|
Actualidade CIG-Comunicación-
O responsábel comarcal da central pediu, no seu dereito á última palabra, a libre absolución “e o cumprimento das condicións laborais dos traballadores”. “Actuei máis que como secretario comarcal como persoa solidaria e volvería facer o mesmo”, manifestou durante a vista o sindicalista, que negou todos os cargos que presentou contra el a acusación. López Pintos explicou que o obxectivo de que un grupo de sindicalistas da CIG se presentase o 14 de marzo nesta obra non era outro que demandarlle á empresa o pagamento dos salarios adebedados os obreiros portugueses. Desmentiu que se coaccionase o resto de operarios para que parasen de traballar, así como uns presuntos danos no material de traballo. Finalmente e grazas a esta acción da CIG, os catro traballadores estranxeiros puideron percibir os seus cartos e regresar ao país veciño. “A situación dos catro obreiros era un caso extremo de explotación laboral e de negreirismo”, aseverou no decurso do xuízo o secretario comarcal. A acusación, pola súa banda, solicitou tres multas de 600 euros por faltas de coaccións, ameazas e vexacións. Tamén pediu unha indemnización de 600 euros “polos danos morais ocasionados” ao denunciante, Jesús Noya Álvarez, encargado da obra. Pouco antes do comezo do xuízo, medio centenar de compañeiros amosaron o seu apoio e solidariedade con López Pintos nunha concentración perante as portas dos xulgados ferroláns, baixo o lema “Medran escravistas, xulgan sindicalistas”. |
|||||||||
|
|||||||||
|
ÚLTIMA REVISIÓN: 05/09/2007 |
|||||||||
|
