Actualidade A Coruña, 11 de setembro de 2007 Representantes da CIG entrevistaranse o día 13 co responsábel autonómico da Inspección de Traballo Seguimento rotundo do paro de 24 horas nas obras do AVE en Ourense   CIG-Comunicación- cig.prensa@galizacig.com   Os traballadores das obras do AVE na provincia ourensá seguen a denunciar a realización de xornadas excesivas que, nalgúns casos, mesmo sobrepasan as doce horas. Ademais, os operarios que traballan no interior dos túneles exceden en moitas ocasións as seis horas. (Foto: Traballadores concentrados no lugar do accidente. Captura do Telexornal da TVG).   De seguimento total cualificou a CIG-Construción de Ourense a incidencia do paro de 24 horas que convocaron as centrais sindicais para o 10 de setembro após de que días atrás morrese un operario e outros catro resultasen feridos tras o derrubamento dun dos viadutos das obras do AVE en O Carballiño. “O paro foi un éxito total porque a xente foi solidaria e todo o mundo colaborou”, sinala Xan Losada, responsábel da CIG-Construción de Ourense. O sindicalista adiantou que representantes da central se reunirán con toda probabilidade o 13 de setembro co director da Inspección de Traballo en Galiza, Carlos Domenech. Na xuntanza marcarase un seguimento das xornadas de traballo, así como das medidas de seguridade. Por outra banda, os traballadores das obras do AVE na provincia ourensá seguen a denunciar a realización de xornadas excesivas que, nalgúns casos, mesmo sobrepasan as doce horas. Ademais, os operarios que traballan no interior dos túneles exceden en moitas ocasións as seis horas.

Informacións relacionadas 08/09/2007 A CIG xa alertara da necesidade dun maior control da seguridade Un traballador morre nun grave accidente nas obras do AVE en O Carballiño 20/07/2007 Denuncia as precarias condicións laborais nas que están os traballadores estranxeiros A CIG reclama da Delegación de Traballo de Ourense maior control en prevención nas obras do AVE e a Autovía

Confederación Intersindical Galega www.galizacig.com ÚLTIMA REVISIÓN: 11/09/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta