ActualidadeVolver a Actualidade


Santiago, 17 de outubro de 2007

A marcha sairá da Alameda compostelá ás 12:30 horas do domingo 21 de outubro
A CIG chama a participar na manifestación convocada en apoio aos veciños do Eixo

 

CIG-Comunicación-

cig.prensa@galizacig.com


  Concentración veciños de O Eixo en xullo de 1998; clic para aumentar
Para a CIG esta condena non se tiña que ter producido, máis cando se trata duns feitos ocorridos no seo dunhas protestas en defensa do benestar do conxunto dos veciños e da súa seguridade vial. Mobilizacións nas que, por outra banda, se deu unha participación masiva dos habitantes desta parroquia. (Foto: Concentración dos veciños de O Eixo o 14 de xullo de 1998, na que reclamaban seguridade vial no paso da estrada 525 pola súa parroquia. ©La Voz de Galicia).
 
A Unión Comarcal da CIG de Compostela chama a participar na manifestación convocada para o próximo domingo 21 de outubro en solidariedade cos veciños da parroquia compostelá do Eixo. Os tres condenados terán que cumprir, se a presión social non o remedia, sete anos de cárcere a partir do próximo 31 de outubro.

Para a CIG esta condena non se tiña que ter producido, máis cando se trata duns feitos ocorridos no seo dunhas protestas en defensa do benestar do conxunto dos veciños e da súa seguridade vial. Mobilizacións nas que, por outra banda, se deu unha participación masiva dos habitantes desta parroquia.

A CIG lembra que a concentración na que se produciron os feitos que deron lugar á sentenza pola que se lles condena a sete anos de cárcere viu precedida por unha carga policial brutal e desproporcionada na que mesmo resultaron afectadas persoas de avanzada idade.

Cómpre lembrar que o Consello de Ministros rexeitou concederlles o indulto malia estar a súa solicitude avalada por miles de sinaturas recollidas no seo dunha ampla campaña posta en marcha por numerosas organizacións sociais.

Diante desta inxusta situación, a CIG demanda o seu non ingreso en prisión e chama a participar masivamente na manifestación convocada para o vindeiro domingo.

 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 17/10/2007
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta