Actualidade Santiago, 10 de outubro de 2007 Denuncia o grave incremento da sinistralidade laboral A CIG demanda unha xuntanza con Traballo, Inspección e Fiscalía polo novo accidente laboral en Ourense   CIG-Comunicación- cig.prensa@galizacig.com   O accidente laboral tivo lugar ao caer o traballador desde o alto dunha obra en construción no Concello do Pereiro, o mesmo no que hai escasos días se producira outro ferido grave. (Foto: Edificio en construción en Vigo. ©Fernando Pol).   A CIG de Ourense fai un chamamento a celebrar unha xuntanza de coordinación entre as centrais sindicais, Traballo, Inspección e Fiscalía para elaborar un plan de actuación conxunto que leve a combater a sangría humana motivada, nos máis dos casos, polo incumprimento da normativa de prevención por parte das empresas. Este chamamento prodúcese logo de que o pasado luns día 8 de outubro se producira un novo accidente laboral grave nunha obra de construción en Pereiro. O accidente laboral tivo lugar ao caer o traballador desde o alto dunha obra en construción no Concello do Pereiro, o mesmo no que hai escasos días se producira outro ferido grave. Estes dous accidentes, segundo explica Etelvino Blanco, secretario comarcal da CIG de Ourense, “revisten especial gravidade e veñen sumarse a unha escalada na sinsitralidade nesta provincia no que vai de ano, que leva a contabilizar 2.919 accidentes até o 30 de agosto”. Unha cifra que supón un incremento do 7,71% (209 en número absolutos) con relación ao mesmo período do ano anterior, dos cales 43 foron cualificados como graves e 6 mortais. Diante deste preocupante panorama a CIG insiste na necesidade desa xuntanza entre organizacións sindicais, a Consellaría de Traballo, Inspección e Fiscalía, de cara a preparar un plan de actuación que poña freo a esta gravísima situación.

Confederación Intersindical Galega www.galizacig.com ÚLTIMA REVISIÓN: 10/10/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta