Actualidade A Coruña, 17 de outubro de 2007 A central nacionalista estuda convocar unha folga se non se corrixen estas irregularidades A CIG denunciará na Inspección a falta de seguridade nas grúas autopropulsadas   CIG-Comunicación- cig.prensa@galizacig.com   A CIG convocará folga no sector se non se corrixen as irregularidades en materia de seguridade e se non se reactiva a negociación do primeiro convenio galego de grúas autopropulsadas, que actualmente está paralizado. (Foto: ©galizacig.com).   A CIG ten constancia de que gruístas reciben ordes dos xefes para burlar os mecanismos de control do peso das cargas e dos ventos dos que dispoñen os guindastres autopropulsados. A central nacionalista vai pór en coñecemento da Inspección de Traballo está situación. Operadores de guindastres autopropulsados informaron a CIG de que as empresas non lles dan ningún tipo de instrucións en materia de seguridade. Esta irregularidade, xa grave de por si, non é a única. Os gruístas a miúdo reciben ordes dos xefes para que ignoren os sistemas de control do peso das cargas e do vento que veñen instalados nesta clase guindastres. Negociación do Convenio paralizada A CIG convocará folga no sector se non se corrixen as irregularidades en materia de seguridade e se non se reactiva a negociación do primeiro convenio galego de grúas autopropulsadas, que actualmente está paralizado. O sindicato nacionalista celebrará asembleas de traballadores por todo o país nas próximas semanas. O 19 de outubro realizarase en A Coruña, o 20 en Santiago de Compostela e o día 27 en Lugo. En Ourense e Vigo aínda están por concretar as datas.

Confederación Intersindical Galega www.galizacig.com ÚLTIMA REVISIÓN: 17/10/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta