Actualidade Santiago, 12 de outubro de 2007 Novo accidente laboral en O Carballiño A CIG diríxese á Delegación de Traballo de Ourense por unha xuntanza urxente para frear a sinistralidade   CIG-Comunicación- cig.prensa@galizacig.com   Un novo accidente laboral eleva a sete, nunha semana, o número de traballadores vítimas da sinistralidade laboral na provincia de Ourense. (Foto: Cartel de obra para a prevención do risco laboral. ©Fernando Pol).   Un mozo resultou ferido con carácter moi grave nunha fábrica de plásticos de O Carballiño. Este novo accidente laboral eleva a sete, nunha semana, o número de traballadores vítimas da sinistralidade laboral. A CIG de Ourense vén de remitir un escrito á Delegación de Traballo demandando unha xuntanza urxente para que se poña fin a esta lacra social. A CIG de Ourense vén de manifestar a súa indignación e sorpresa pola “indiferenza” coa que é tratada esta lacra por parte dos dirixentes políticos, “perdidos en debates estériles e improdutivos, mentres centos de traballadres e as súas fmilias sofren este drama día a día”. O secretario comarcal da CIG de Ourense, Etelvino Blanco, lembra que “case non pasa un día que non se produza na nosa privincia un accidente laboral con resultado de lesións graves para o traballador que o sofre”. Diante desta situación, a CIG demanda que esta situación extrema force a que se adopten medidas de choque e se afronte a problemática con eficacia e contundencia. Para iso solicita que se convoque de forma urxente unha xuntanza na que participen as centrais sindicais, a Inspección de Traballo, a Fiscalía do Estado e a propia Delegación de Traballo da Xunta.   Descarga en pdf   Solicitude á Delegación de Traballo de Ourense

Informacións relacionadas 10/10/2007 Denuncia o grave incremento da sinistralidade laboral A CIG demanda unha xuntanza con Traballo, Inspección e Fiscalía polo novo accidente laboral en Ourense

Confederación Intersindical Galega www.galizacig.com ÚLTIMA REVISIÓN: 12/10/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta