|
Actualidade
Santiago, 10 de outubro de 2007
Tívose en conta a gravidade do sinistro
e as precarias
condicións laborais
A CIG exerce a acusación popular no proceso xudicial polo accidente laboral nas obras do AVE
| |
 |
| A decisión vén motivada pola gravidade
do accidente que supuxo a morte dun traballador e varios feridos e polas condicións nas que se traballa
nas obras do AVE, que “non se axustan á legalidade vixente”.
(Foto: Ás seis da mañá do venres 7 de setembro de 2007 derrubouse parte da plataforma superior
sobre un dos piares do viaduto encol do río Arenteiro, nas obras do tren de alta velocidade en O Carballiño.
A
consecuencia fatal foi a morte dun traballador
e catro feridos). |
| |
Con motivo das dilixencias previas abertas no
Xulgado de Instrución de O Carballiño, derivadas do grave accidente laboral ocorrido nas obras do
AVE, a CIG da Comarca de Ourense acordou presentarse como acusación popular en tutela e defensa dos intereses
dos traballadores e traballadoras.
Esta decisión vén motivada, segundo
explica Etelvino Blanco, secretario comarcal da CIG de Ourense, pola gravidade do accidente que supuxo a morte
dun traballador e varios feridos e polas condicións nas que se traballa nas obras do AVE, que “non se axustan
á legalidade vixente, non só en materia de seguridade laboral, senón tamén en canto
ás condicións degradantes nas que se traballa nas subcontratas”.
A Unión Comarcal dirixiu un escrito ao
xulgado solicitando que se teña en conta á CIG no proceso e se lle traslade todo o actuado, por ser
unha facultade que lle corresponde segundo a Constitución.
|
