Actualidade Vigo, 25 de outubro de 2007 Dos 3.296 accidentes nos nove primeiros meses de 2007, 52 foron graves e 7 mortais Aumenta o número total de sinistros con baixa laboral en Ourense   CIG-Comunicación- cig.prensa@galizacig.com   Etelvino Blanco, secretario comarcal da CIG Ourense, sinala que “todo isto coa cautela que sempre manifestamos sobre a fiabilidade dos datos facilitados polas empresas e as mutuas á autoridade laboral, especialmente con accidentes graves que son declarados como leves”. (Foto: ©galizacig.com).   Os datos oficiais de accidentes de traballo nos nove primeiros meses do ano volven representar un incremento da sinistralidade na provincia de Ourense a respecto do mesmo período do ano anterior, pasando dun total de 3.081 en 2006 a 3.296 en 2007. Dos máis de 3.000 accidentes, 52 foron graves e 7 mortais. Precisamente nestes últimos accidentes (mortais) Ourense está por riba da media galega en relación coa poboación asegurada, tendo un Índice de Incidencia de case dous puntos porcentuais máis. Estase a falar dos accidentes que se produciron dentro da xornada laboral (sen contabilizar os denominados in itínere) e que deron lugar a unha baixa laboral do traballador lesionado. Etelvino Blanco, secretario comarcal da CIG Ourense, sinala que “todo isto coa cautela que sempre manifestamos sobre a fiabilidade dos datos facilitados polas empresas e as mutuas á autoridade laboral, especialmente con accidentes graves que son declarados como leves”. O secretario comarcal ourensán engade que “desde a CIG insistimos na necesidade dun maior compromiso de todas as partes implicadas, incluídas as distintas Administracións, para atallar esta sangría. Nese sentido, debemos recordar que seguimos á espera de que a Delegación de Traballo nos convoque, xunto cos demais Sindicatos, Inspección e Fiscalía, a unha mesa na que podamos vehicular ideas e propostas encamiñadas a esta loita que nos debe unir a todos”.

Informacións relacionadas 12/10/2007 Novo accidente laboral en O Carballiño A CIG diríxese á Delegación de Traballo de Ourense por unha xuntanza urxente para frear a sinistralidade 10/10/2007 Denuncia o grave incremento da sinistralidade laboral A CIG demanda unha xuntanza con Traballo, Inspección e Fiscalía polo novo accidente laboral en Ourense

Confederación Intersindical Galega www.galizacig.com ÚLTIMA REVISIÓN: 25/10/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta