|
Actualidade
A Coruña, 18 de outubro de 2007
Os dous operarios despedidos seguen sen ser
readmitidos
Prosegue a folga dos traballadores da UTE Plocor-2
| |
 |
| A UTE Plocor-2 segue a manter unha postura intransixente
e négase a readmitir os dous empregados que foron despedidos logo de reclamar melloras laborais. (Foto: Os traballadores durante a rolda de prensa na
que anunciaron o inicio da folga. ©galizacig.com). |
| |
O seguimento da folga dos traballadores da UTE
Plocor-2 está a ser total. O cadro de persoal mantén un paro indefinido desde o 15 de outubro para
esixir a readmisión de dous compañeiros despedidos. Esta Unión Temporal de Empresas encárgase
do mantemento de parte da autovía A-6 e da N-VI entre Lugo e o límite coa provincia de A Coruña.
Os traballadores concentráronse o 15 de
outubro diante da sede da UTE no polígono de O Ceao (Lugo) e fronte á Delegación de Fomento
os días 16 e 17. Esixen a intervención do Ministerio no conflito, pois ambas estradas son da súa
titularidade.
O Comité de Folga reuniuse con representantes
de Plocor-2 mais sen obter resultado algún. A UTE segue a manter unha postura intransixente e négase
a readmitir os dous empregados que foron despedidos logo de reclamar melloras laborais.
|