ActualidadeVolver a Actualidade


A Coruña, 3 de outubro de 2007

Os dous sindicatos españois aseguraran que ían respectar todo o que determinasen os mineiros das auxiliares do carbón
UGT e CCOO descólganse da decisión da asemblea de convocar a folga en Meirama

 

CIG-Comunicación-

cig.prensa@galizacig.com


  Asemblea traballadores auxiliares Meirama; clic para aumentar
Asemblea traballadores auxiliares Meirama; clic para aumentar
Os operarios das auxiliares de Meirama decidiron convocar folga indefinida a partir do 15 de outubro na asemblea de persoal celebrada o pasado 29 de setembro, á que acudiron ademais da CIG, representantes de UGT e CCOO. (Fotos: ©galizacig.com).
Asemblea traballadores auxiliares Meirama; clic para aumentar
“Esta nova espantada de UGT e CCOO súmase a outras que fixeron desde o comezo do conflito en febreiro de 2006”, denuncia Paulo Carril, representante da CIG na Mesa da Industria Auxiliar do Carbón da Xunta. (Na foto: Alejandro Barreiro, esquerda, e Paulo Carril, centro).
 
UGT e CCOO incumpriron a decisión adoitada en asemblea polos mineiros das auxiliares de Meirama de ir á folga a partir do 15 de outubro. Os dous sindicatos españois faltaron novamente ao seu compromiso de respectar todo o que determinasen os traballadores da mina.

Os operarios das auxiliares de Meirama decidiron convocar folga indefinida a partir do 15 de outubro na asemblea de persoal celebrada o pasado 29 de setembro, á que acudiron ademais da CIG, representantes de UGT e CCOO. Esta determinación dos mineiros é consecuencia da inexistencia dun plan de recolocacións e prexubilacións de acordo co contemplado no Plan Miner II, que a día de hoxe non está previsto aplicar para o persoal das auxiliares de Meirama.

“Esta nova espantada de UGT e CCOO súmase a outras que fixeron desde o comezo do conflito en febreiro de 2006”, denuncia Paulo Carril, representante da CIG na Mesa da Industria Auxiliar do Carbón da Xunta. UGT e CCOO incumpriron e boicotearon sistematicamente as diferentes xornadas de folga realizadas durante todo este tempo.

“A súa actitude (en referencia a UGT e CCOO) vese agravada porque foron eles, xunto coa patronal e o Ministerio de Industria, quen asinaron en marzo de 2006 o Plan Miner II, que discrimina os mineiros das auxiliares do carbón de Meirama ao non contemplar para eles recolocacións nin prexubilacións ante peche da mina o 31 de decembro deste ano”, indica Carril.

Malia este golpe de efecto de UGT e CCOO, a CIG xa formalizou a convocatoria de folga en nome da asemblea de mineiros das auxiliares de Meirama.

“A actuación de UGT e CCOO en Meirama contrasta coa acción sindical que están facendo estas dúas centrais en León e Asturias, onde se están a mobilizar en protesta polo incumprimento do Plan Miner II por parte das empresas e do Ministerio de Industria”, salienta Alejandro Barreiro, presidente do Comité de Masa Galicia en Meirama, principal auxiliar desta conca. “Aquí o problema é moito máis grave porque nos exclúen do Plan Miner II, mais semella que isto non lles importa nin a UGT nin a CCOO”.

 
 
Informacións relacionadas
01/10/2007 A decisión foi adoptada o 29 de setembro en asemblea de traballadores
Os mineiros das auxiliares de Meirama irán á folga a partir do 15 de outubro
13/09/2007 Os operarios celebrarán unha asemblea o día 15 na mina de Cerceda na que determinarán novas medidas
A CIG cualifica de indecente o Goberno español por facer distincións entre os mineiros galegos
08/09/2007 Os operarios consideran moi grave a discriminación que fai Ricardo Varela con respecto aos compañeiros de As Pontes
O conselleiro de Traballo esquécese dos mineiros das auxiliares de Meirama
03/08/2007 Ministerio de Industria e a patronal exclúen ao persoal das subcontratas dos criterios de incorporación ás empresas
A última documentación do Plan Miner agudiza a discriminación dos mineiros galegos
19/07/2007 O ministro non cre prudente que o plan social para a minería integre ao sector auxiliar
A CIG considera inadmisíbeis as declaracións de Clos que deslexitiman o acordo do Congreso para o carbón
12/07/2007 Aproveitaron a visita á cidade do ministro de Industria, Turismo e Comercio
Traballadores das auxiliares do carbón e delegados da CIG demandan en Ferrol solucións polo peche das minas
28/06/2007 O presidente da Xunta amosa unha actitude submisa fronte ao Ministerio de Industria
Touriño demostra a súa falta de compromiso cos traballadores das auxiliares do carbón
14/06/2007 As dúas forzas políticas comprométense a emprender iniciativas na defensa do futuro laboral destes operarios
Os mineiros das auxiliares do carbón reúnense en Santiago co BNG e PP
20/04/2007 Celebrarase unha asemblea para fixar un novo calendario de mobilizacións
Os traballadores das auxiliares da minaría do carbón levan a Compostela as súas demandas
19/04/2007 As asembleas de traballadores son as convocantes dos paros e a CIG é a única central que os secunda
Os mineiros das auxiliares desmenten UGT e CCOO e sinalan que foron chamadas á folga
18/04/2007 Os traballadores de Meirama cortaron o tráfico ferroviario entre A Coruña e Santiago durante media hora
Os mineiros das auxiliares endurecerán as medidas de protesta
12/04/2007 A CIG esíxelle á Delegación do Goberno español que interceda ante a Comisión de Seguimento do Plan Miner II
Trescentos mineiros reclaman en A Coruña solucións para o persoal das auxiliares do carbón
11/04/2007 Haberá manifestación o día 11 de abril, que partirá ás 12 horas da praza da Palloza de A Coruña
Novo éxito da folga das auxiliares do carbón na segunda xornada de paro
29/03/2007 O paro foi total nas minas de Meirama e As Pontes
Seguimento do 100% da folga convocada pola CIG nas empresas auxiliares do carbón
23/03/2007 A CIG respaldou, desde o inicio, ás demandas dos traballadores
O Congreso aproba que os traballadores das auxiliares do carbón se beneficien das prexubilacións e recolocacións
14/03/2007 Os dereitos dos operarios das auxiliares seguen sen ser recoñecidos
A CIG apoia convocatoria a folga dos traballadores das minas de lignito de Meirama e As Pontes
29/01/2007 Lignitos de Meirama segue negándose a incorporar estes operarios ante o peche da mina de Cerceda o 31 de decembro de 2007
A CIG urxe á Comisión do Plano Miner II e a Limeisa unha solución global aos traballadores das auxiliares do carbón
04/10/2006 Máis de 500 persoas demandan alternativas para os traballadores das auxiliares de Meirama en Ordes
30/09/2006 Demandan solucións para os 220 despedimentos que provocará o peche da mina
Apoio masivo dos Comités de Empresa das auxiliares á manifestación convocada para o sábado en Ordes
26/09/2006 Os traballadores ratificaron en asemblea a convocatoria de manifestación para o día 30 en Ordes
Limeisa mantén o desinterese polos 220 despedimentos que provocará o peche da mina de Cerceda
20/09/2006 Convocan unha manifestación en Ordes o sábado 30 de setembro
Os traballadores das auxiliares de Meirama exixen que se efectivicen as prexubilacións e recolocacións
27/07/2006 Novas xornadas de folga na minaría do carbón de Cerceda e As Pontes
20/07/2006 A CIG considera un descrédito para CCOO e UGT, que non se sumaron á folga
Comezou a folga nas minas de carbón cun seguimento do 100%
14/07/2006 Hai un compromiso de acordo sen ratificar pola ausencia de Endesa na xuntanza e a mobilización se mantén
A CIG fai un chamamento a CCOO e UGT para que secunden a folga nas minas de Cerceda e As Pontes
12/07/2006 Desde as 23:00 horas do 19 de xullo até as 24:00 horas día 20, e desde as 23:00 horas do 25 de xullo ás 24:00 horas do 27
Anúnciase convocatoria de folga nas minas galegas do Carbón, Limeisa e Endesa e Auxiliares
16/05/2006 O BNG demanda no Parlamento de Galiza medidas para os traballadores das auxiliares do carbón
08/05/2006 Galiza discriminada no Plan do Carbón asinado por CCOO e UGT
10/03/2006 Só recibirá 135 dos 195 millóns que lle corresponderían tendo perdido xa 140 no período 1998-2005
A CIG considera que o reparto dos fondos do Plan do Carbón 2006-2012 discriminan a Galiza
09/02/2006 O preacordo alcanzado retrasará a efectivización dos despidos
Desconvocada a folga de Masa Galicia
07/02/2006 Ante a pretensión da Empresa de despedir a 30 traballadores
Folga indefinida de Masa Galicia na mina de Meirama
26/01/2006 No período 1998-2005 tan só recibiu 64 dos 200 millóns que lle correspondían
Galiza discriminada no reparto de fondos mineiros
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 03/10/2007
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta