Actualidade A Coruña, 9 de outubro de 2007 A traballadora, que se atopa de baixa laboral, fora agredida días atrás pola xefa Unha mobilización da CIG consegue que unha empregada do xeriátrico de Coirós cobre   CIG-Comunicación- cig.prensa@galizacig.com   Arredor de cincuenta persoas participaron na concentración de repulsa á agresión sufrida por unha traballadora da residencia de anciáns “Fonte do Santo” de Coirós. Un dos xefes da residencia, Guillermo Cortés, estivo durante toda a concentración fotografando as persoas asistentes e proferindo comentarios chulescos e desafiantes. A traballadora atópase de baixa como consecuencia dun accidente laboral que sufriu nesta residencia. Días atrás foi obxecto dunha agresión por parte dunha das xefas, da delegada de persoal e dunha compañeira. Descarga o vídeo. (Formato do vídeo: Windows Media Video [wmv], duración: 2'02'', espazo en disco: 10.654.306 bytes [10,1 Mb]). Arredor de cincuenta persoas participaron na concentración de repulsa á agresión sufrida por unha traballadora da residencia de anciáns “Fonte do Santo” de Coirós. Os participantes no acto, organizado pola CIG o 6 de outubro, non abandonaron o lugar até que os responsábeis do xeriátrico lle pagaron a nómina a esta empregada. Un dos xefes da residencia, Guillermo Cortés, estivo durante toda a concentración fotografando as persoas asistentes e proferindo comentarios chulescos e desafiantes. As provocacións deste individuo foron constantes e mesmo intentou intimidar os manifestantes introducindo a grande velocidade a súa furgoneta no recinto do xeriátrico. Até o lugar desprazouse unha dotación da Garda Civil que foi avisada polo propio Cortés. Os membros da CIG, así como os familiares, amigos e veciños de Maruxa Gómez, a traballadora agredida, explicáronlles aos axentes que non abandonarían o lugar até que a empresa lle pagase a nómina a esta empregada. Finalmente, os responsábeis de “Fonte do Santo” aboáronlle a Maruxa os cartos que lle debían, polo que a concentración chegou ao seu fin. A traballadora atópase de baixa como consecuencia dun accidente laboral que sufriu nesta residencia. Días atrás foi obxecto dunha agresión por parte dunha das xefas, da delegada de persoal e dunha compañeira. Maruxa foi golpeada por estas tres persoas cando se dispuña a entregar unha baixa médica, pois tivo unha recaída do accidente. A vítima tamén quería que a empresa lle pagase a nómina de setembro.

Informacións relacionadas 05/10/2007 A empregada foi golpeada pola xefa, pola delegada de persoal e por unha compañeira cando se dispuña a entregar unha baixa Unha traballadora é vítima dunha agresión no xeriátrico de Coirós

Confederación Intersindical Galega www.galizacig.com ÚLTIMA REVISIÓN: 09/10/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta