Actualidade A Coruña, 8 de novembro de 2007 Haberá asembleas e concentracións nas comarcas A CIG celebra o 8 de novembro unha xornada nacional contra os abusos das mutuas   CIG-Comunicación- cig.prensa@galizacig.com   Na actualidade, os abusos e as prácticas neglixentes das mutuas están a provocar unha degradación na cobertura sanitaria, inaceptábel para a clase traballadora. (Foto: ©galizacig.com).   A CIG celebrará o xoves 8 de novembro unha xornada nacional contra os abusos das mutuas, na que se realizarán asembleas de delegados e delegadas, así como concentracións fronte ás mutuas. Todos os días coñecemos casos de traballadores e traballadoras vítimas dunha mala atención das mutuas, que lles negan as baixas ou precipitan as altas laborais sen estar curados nin en condicións de incorporárense aos seus postos. Ao longo destes anos, os diferentes gobernos do Estado reformaron sucesivamente a lexislación para recortar moitos dereitos no mundo do traballo, entre eles, a calidade asistencial nas baixas por accidente ou o período de recuperación das mesmas. Privatizaron o control desta prestación a través das mutuas, ás que concederon un poder ilimitado. Na actualidade, os abusos e as prácticas neglixentes das mutuas están a provocar unha degradación na cobertura sanitaria, inaceptábel para a clase traballadora.   Descarga en .pdf   As mutuas baixo control

Confederación Intersindical Galega www.galizacig.com ÚLTIMA REVISIÓN: 08/11/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta