Actualidade Vigo, 8 de novembro de 2007 Reiterada vulneración de dereitos sindicais A CIG pide á Inspección que se impoña sanción moi grave ao Hotel Auriense   CIG-Comunicación- cig.prensa@galizacig.com   Desde a CIG de Ourense denuncian que se “pretende dar un escarmento” ás traballadoras do Hotel Auriense “para que o resto non se lle ocorra facer valer os deus dereitos laborais e sindicais”. (Foto: ©galizacig.com).   O Hotel Auriense despediu a un traballador e a unha traballadora por presentarse candidatos da CIG nas eleccións sindicais, e despediu a unha das testemuñas que se presentou no xuízo dun dos despedimentos. Recorrido este despedimento pola traballadora prodúcese unha sentencia que o declara nulo. A empresa, lonxe de depoñer a súa actitude persiste na mesma e despide a outra traballadora que compareceu como testemuña da anterior. Novamente declárase nulo este despedimento e a sentencia recoñece expresamente o prexuízo causado á traballadora e a vulneración da liberdade sindical. Con esta reiterada vulneración de dereitos fundamentais na empresa CASA DE LINCORA, SA - Hotel Auriense, co despido de varias traballadoras e obriga de readmisión por sentencia do Xulgado do Social, non aboamento de cantidades endebedaras, negación de goce de período vacacional, etc, desde a CIG de Ourense denuncian que se “pretende dar un escarmento a estas traballadoras para que o resto non se lle ocorra facer valer os deus dereitos laborais e sindicais”. Denuncia na Inspección Por todos estes motivos, a CIG da Comarca de Ourense presentou denuncia na Inspección de Traballo solicitando que “se impoña a sanción moi grave no seu grao máximo e sancionando á empresa por importe de 187.515 euros”.

Informacións relacionadas 12/10/2007 Despedira a dúas traballadoras, unha delas por testificar no xuízo da outra Nova sentenza de despedimento nulo no Hotel Auriense 22/03/2007 O despedimento obedeceu a “un móbil antisindical” Readmitida e indemnizada a traballadora despedida por presentarse ás eleccións pola CIG no Hotel Auriense 15/02/2007 En defensa da liberdade sindical Concentración de delegados e delegadas en Ourense polo xuízo á despedida do Hotel Auriense 12/01/2007 Constituída a Mesa tras a intervención da Ispección, o luns 15 haberá eleccións neste centro Concentración no Hotel Auriense polos dous despedidos por presentarse ás eleccións sindicais pola CIG 04/01/2007 Nos hoteis Eurostar en Ourense Dous despedimentos por presentarse ás eleccións sindicais pola CIG

Confederación Intersindical Galega www.galizacig.com ÚLTIMA REVISIÓN: 08/11/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta