|
Actualidade CIG-Comunicación-
Por parte da Delegación acudiron a esta xuntanza, celebrada o martes 6 de novembro á mañá, a titular da mesma, Carme Rodríguez, así como o xefe do Gabinete de Seguridade e Saúde, Héctor González, e pola CIG o secretario comarcal, Etelvino Blanco, e o técnico do seu gabinete de Prevención de Riscos Laborais, Anxo Pérez Carballo. Etelvino Blanco avaliaba así esta xuntanza: “ademais de coincidir basicamente no diagnóstico que desde a nosa Central se ten feito no que ás estatísticas de sinistralidade se refire, compartiu tamén outros enfoques e compromisos de cara a facer un traballo conxunto nos foros nos que participemos, como é o caso de afortalar e encher de contido o Comité Provincial de Seguridade e Saúde Laboral, así como que a Fiscalía do Estado asuma o seu importante papel de persecución dos delitos contra a seguridade dos traballadores”. Ante a proposición de manter unha estreita e permanente colaboración entre sindicatos, Inspección de Traballo, Fiscalía do Estado e a propia Autoridade Laboral, manifestou que, estando conforme co fondo e intencionalidade da idea, “vaina estudar detalladamente e establecerá contactos coas demais institucións implicadas, de cara a celebrar proximamente unha reunión de traballo, no camiño de consolidar un foro de debate que teña como obxectivo recortar de xeito importante o número de sinistros, mediante políticas activas en materia de prevención de riscos, o que conleva a vixilancia estrita do seu grao de cumprimento”. De todos xeitos, a CIG de Ourense manifestou a súa vontade de “continuar a requirir da Administración e poderes públicos unha actitude máis dura e esixente nesta materia”. |
|||||||||
Informacións relacionadas
|
|||||||||
|
|||||||||
|
ÚLTIMA REVISIÓN: 07/11/2007 |
|||||||||
|
