Actualidade Vigo, 9 de novembro de 2007 Traballadores do INEM denuncian Concentración en Pontevedra para demandar unha nova oficina de emprego   CIG-Comunicación- cig.prensa@galizacig.com   Máis de vinte delegados e delegadas deste servizo da Administración concentráronse diante das instalacións da única oficina de emprego de Pontevedra para reclamar unha outra oficina do INEM así como para queixarse dos locais actuais. (Fotos: ©galizacig.com 07/11/2007).   Os delegados das seccións sindicais da CIG da Xunta de Galiza e do SPEE-INEM, concentráronse diante da oficina de emprego de Pontevedra (rúa Eduardo Pondal, 32) o mércores día 7 de novembro ás 12 horas para demandar outra oficina de emprego e melloras nas instalacións. Máis de vinte delegados e delegadas deste servizo da Administración concentráronse diante das instalacións da única oficina de emprego de Pontevedra para reclamar unha outra oficina do INEM así como para queixarse dos locais actuais, “que non responden nin as necesidades nin ao volume de persoas que son usuarios e usuarias dos mesmos”. A protesta contou co apoio masivo das persoas que utilizan esta oficina de emprego, e que se sentiron identificados con esta convocatoria da CIG Administración. O motivo desta concentración foi “denunciar a situación desta oficina, que se amosa totalmente insuficiente para atender dun xeito adecuado á cidadanía de Pontevedra, polo que se solicita dun xeito inmediato que a Delegación Provincial de Traballo dote a esta oficina dun espazo físico suficiente para emendar os problemas de insuficiente espazo co que contan os traballadores e traballadoras, e usuarios e usuarias deste servizo”. Apertura como noutras cidades Con esta concentración tamén “reclamamos que como noutras cidades semellantes, Ourense, Santiago ou Lugo, Pontevedra teña unha segunda oficina de emprego, algo totalmente necesario por poboación e demandantes”.

Confederación Intersindical Galega www.galizacig.com ÚLTIMA REVISIÓN: 09/11/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta