Actualidade Vigo, 7 de novembro de 2007 Os alumnos solicitan entrevista coa concelleira Continuarán as mobilizacións polo comezo das clases na Escola de Artes e Oficios de Vigo   CIG-Comunicación- cig.prensa@galizacig.com   Os alumnos e alumnas acordaron convocar unha concentración o vindeiro luns 12 ás 19:00 horas no edificio da Escola de Artes e Oficios de Vigo, e ao remate da mesma celebrar unha nova asemblea. (Foto: ©galizacig.com).   Despois de manter unha asemblea, os alumnos e alumnas decidiron convocar novas mobilizacións polo comezo das clases na Escola de Artes e Oficios de Vigo, así como abrir novas vías de diálogo coa Administración. A asemblea de alumnos e alumnas da Escola Municipal de Artes e Oficios de Vigo celebrou o luns día 5 unha nova xuntanza para tratar a problemática que afecta ao colectivo ao non ter comezado aínda as aulas neste curso, así como “os rumores sobre o incerto futuro que agarda a determinado alumnado deste centro”. Despois de ter intercambiado a mínima información que os e as asistentes teñen ao respecto das novidades neste tema, resolveron tomar os seguintes acordos: “solicitar unha entrevista coa concelleira de Educación para informala e ser informados das causas deste demora e do prexuízo que está a sufrir o alumnado”. Concentración o luns 12 Ademais acordaron convocar unha concentración o vindeiro luns 12 ás 19:00 horas no edificio da citada Escola de Artes e Oficios, e ao remate da mesma celebrar unha nova asemblea “na que se decidirán as medidas a tomar para pór fin a esta irregular situación”.

Informacións relacionadas 18/10/2007 Aínda non comezaron as aulas Alumnos e alumnas da Escola de Artes e Oficios de Vigo maniféstanse pola falta de profesorado no centro

Confederación Intersindical Galega www.galizacig.com ÚLTIMA REVISIÓN: 07/11/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta