|
Actualidade
A Coruña, 8 de novembro de 2007
A CIG-Transporte censura a concesión
de selos de “Igualdade de Oportunidades” a esta rede empresarial
“Coruña Solidaria” premia o Grupo Vázquez, que precariza as mulleres
| |
 |
| Os poucos traballadores indefinidos do Grupo
Vázquez son homes. Pola contra, as mulleres contan con contratos temporais. Isto constitúe unha irregularidade
posto que se dedican ao transporte escolar e a outros servizos. |
| |
A CIG-Transporte amosa o seu estupor pola concesión
por parte da Asociación “Coruña Solidaria” de selos de “Igualdade de Oportunidades” ás compañías
Autos Viuda de Alfredo Labora, Autocares Antonio Vázquez e Autos S. Vázquez, pertencentes todas elas
ao Grupo Vázquez. Estas tres empresas precarizan as mulleres.
Os poucos traballadores indefinidos do grupo son
homes. Pola contra, as mulleres contan con contratos temporais. Isto constitúe unha irregularidade posto
que se dedican ao transporte escolar e a outros servizos, polo que terían que ser fixas-descontinuas, conforme
ao estabelecido no artigo 28 do Convenio Colectivo de Transporte de Viaxeiros en Autobús por Estrada da
Provincia de A Coruña.
| |
 |
| A CIG-Transporte ten constancia de que mulleres
que traballan no Grupo Vázquez realizan xornadas abusivas, incumprindo o Regulamento Europeo de Harmonización
do Transporte. (Foto: Disco tacógrafo
dunha traballadora do Grupo Vázquez onde se evidencia o icumprimento dos descansos). |
| |
Ademais, a CIG-Transporte ten constancia de que mulleres
que traballan no Grupo Vázquez realizan xornadas abusivas, incumprindo o Regulamento Europeo de Harmonización
do Transporte. Nomeadamente, non fan o descanso mínimo de once ou, excepcionalmente, de nove horas entre
xornadas de traballo.
A CIG-Transporte repróchalle ás
institucións e entidades que conforman “Coruña Solidaria” (Concellos de A Coruña, Carballo
e Cerceda, UGT, CCOO, Confederación de Empresarios de A Coruña ou a Universidade de A Coruña)
que premien estas tres empresas que, a xuízo da central nacionalista, distan moito de fomentar a igualdade
de oportunidades entre xéneros no mercado laboral. Especialmente sangrante é a actuación de
CCOO e UGT, que semella que esquecen a función que se lles presupón como sindicatos de defender os
traballadores e traballadoras. A CIG-Transporte tamén critica que o Servizo Galego de Igualdade da Xunta
dese o seu beneplácito á concesión a estas tres empresas dos devanditos galardóns.
|
