Actualidade Vigo, 9 de novembro de 2007 A afectada é unha caixeira afiliada á CIG Nova concentración diante dun novo Eroski Center pola traballadora despedida   CIG-Comunicación- cig.prensa@galizacig.com   O Eroski Center, situado na rúa Menéndez Pelayo, acolleu esta nova concentración, con moito ruído e co reparto de panfletos explicativos, nos que se daba a coñecer este inxusto despedimento desta caixeira de Eroski. (Fotos: ©galizacig.com 08/11/2007). Inaugurouse hai menos dunha semana un novo centro do Eroski Center na cidade de Vigo. O xoves 8 de novembro desde as 12 da mañá o Comité de Empresa de Eroski inauguraba ao seu xeito con unha nova concentración tamén este novo supermercado para reclamar a readmisión da despedida. O Eroski Center, situado na rúa Menéndez Pelayo, acolleu esta nova concentración, con moito ruído e co reparto de panfletos explicativos, nos que se daba a coñecer este inxusto despedimento desta caixeira de Eroski, que traballaba nesta empresa desde hai máis de vinte anos, e que era integrante do Comité de Empresa pola CIG, no que levaba tamén máis de quince anos. Desde a CIG Servizos de Vigo anunciaron que “continuaremos as mobilizacións até que sexa necesario para que se faga xustiza, porque non se pode permitir esta situación de persecución sindical que se vive nesta empresa”. Próximo xuízo Ademais, neste mes celebrarase o xuízo pola denuncia presentada ante o Xulgado do Social para que se recoñeza como nulo este despedimento e sexa readmitida a traballadora no seu posto.

Informacións relacionadas 05/10/2007 Afiliada á CIG denuncia persecución sindical Concentración polo despedimento dunha caixeira do Eroski integrante do Comité de Empresa

Confederación Intersindical Galega www.galizacig.com ÚLTIMA REVISIÓN: 09/11/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta