Actualidade Vigo, 7 de novembro de 2007 O martes 6 pechouse o prazo de presentación Oitenta persoas participan nas candidaturas da CIG en Caixanova para as eleccións sindicais   CIG-Comunicación- cig.prensa@galizacig.com   As candidaturas evidencian os apoios con que conta a CIG entre os traballadores e traballadoras de Caixanova, así como a capacidade de organización e resposta da Central Sindical. (Foto: ©Fernando Pol).   Malia que foi un esforzo contra reloxo, oitenta traballadores e traballadoras de Caixanova conforman as candidaturas da CIG, o mellor desmentido ao anunciado polos tránsfugas que marcharon para CCOO. As candidaturas están encabezadas polos actuais delegados e delegadas da CIG. Nas listas están tamén presentes persoas históricas da CIG, que contribuíron a poñer en marcha o sindicalismo nacionalista e de clase en Caixavigo, Caixa Pontevedra e Caixa Ourense, as empresas que deron orixe a Caixanova. O grupo de tránsfugas estaba nucleado na Comarca de Vigo, concretamente na candidatura para o Comité Provincial de Pontevedra e anunciaron a súa marcha o día anterior á constitución da mesa electoral, tratando de evitar que a CIG puidera presentar candidatura. Feito que non conseguiron malia a incerteza que crearon inicialmente, xa que 34 persoas forman parte da candidatura da CIG para este Comité, que é o maior de toda a empresa. As candidaturas evidencian os apoios con que conta a CIG entre os traballadores e traballadoras de Caixanova, así como a capacidade de organización e resposta da Central Sindical.

Informacións relacionadas 19/10/2007 Clodomiro Montero, secretario nacional da Federación, aclara as informacións aparecidas nos medios Declaracións de CIG-Banca sobre a situación sindical en Caixanova

Confederación Intersindical Galega www.galizacig.com ÚLTIMA REVISIÓN: 07/11/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta