Actualidade A Coruña, 6 de decembro de 2007 O colectivo de afectados polas obras do Porto exterior coruñés segue sen cobrar as indemnizacións A policía reprime mariñeiros mentres Touriño celebra a Constitución española   CIG-Comunicación- cig.prensa@galizacig.com   A policía española desaloxou pola forza unha protesta de mariñeiros afectados pola construción do Porto exterior de A Coruña. (Fotos: ©galizacig.com 05/12/2007). Descarga o vídeo. (Formato do vídeo: Windows Media Video [wmv], duración: 2'38'', espazo en disco: 13.862.522 bytes [13,2 Mb]). Realización: Antón Álvarez Sanz.   A policía española desaloxou pola forza unha protesta de mariñeiros afectados pola construción do Porto exterior de A Coruña. Simultaneamente á carga, que se produciu na tardiña do 5 de decembro, na Delegación do Goberno celebrábase un acto solemne en honra á Constitución española, no que participaron, ademais do presidente da Xunta, outros representantes das institucións galegas e do Estado. Paulo Carril, representante legal destes mariñeiros e secretario comarcal da CIG, cualificou o ocorrido como “intolerábel” e “propio dun réxime fascista”. Denunciou novamente os intentos de criminalizar este colectivo de afectados. Unha hora antes de se celebrar este acto de enaltecemento da Carta magna española, axentes da UIP comezaron a identificar mariñeiros e membros da CIG que se ían achegando á zona. Ao pouco, os manifestantes foron conducidos cara unha das beirarrúas situadas fronte á Delegación do Goberno, onde estiveron concentrados até que empezaron a chegar as autoridades e líderes políticos, entre eles Pérez Touriño, Dolores Villarino ou Alberto Núñez Feijoo. Tamén se deixaron ver na celebración institucional representes das tres forzas da Corporación municipal coruñesa. Posteriormente, os mariñeiros e percebeiros burlaron o cerco policial e cortaron momentaneamente a confluencia da Praza de Ourense coa rúa Sánchez Bregua. A protesta foi curta, pois os axentes da UIP comezaron a empurrar violentamente os manifestantes. A actuación policial saldouse con varios mariñeiros contusionados. Acentúanse as protestas Este colectivo de afectados botouse á rúa en varias ocasións nos últimos días. Os mariñeiros bloquearon o 3 de decembro as instalacións da Autoridade portuaria coruñesa e exhibiron unha porca en cuxos lombos estaba pintado o nome de Macario, en referencia ao presidente do ente. O día posterior ocuparon durante unha mañá as oficinas da Delegación provincial de Pesca e realizaron, ademais, varios cortes de tráfico na Avenida do Exército. “Agora ofrécennos 2,6 millóns de euros de indemnización para todos os afectados (que son arredor de 200)”, di Luís Dopico, portavoz do colectivo de afectados. No entanto, un informe elaborado por expertos da Universidade de Santiago de Compostela e avalado pola Consellaría de Pesca estima en 27 millóns de euros as perdas polo cesamento da actividade desde o inicio das obras, en 2005.

O colectivo de afectados botouse á rúa Os mariñeiros bloquearon o 3 de decembro as instalacións da Autoridade portuaria coruñesa... ... e exhibiron unha porca en cuxos lombos estaba pintado o nome de Macario, en referencia ao presidente do ente. (Fotos: ©galizacig.com 03/12/2007). O día posterior (4 de decembro), mariñeiros e percebeiros ocuparon durante unha mañá as oficinas da Delegación provincial de Pesca... ... e realizaron, ademais, varios cortes de tráfico na Avenida do Exército. (Fotos: ©galizacig.com 04/12/2007).

Informacións relacionadas 19/09/2007 O presidente da Autoridade Portuaria de A Coruña actúa de mala fe e elude os seus compromisos co colectivo de damnificados Os afectados polas obras do Porto Exterior esixen o cesamento de Fernández Alonso 14/09/2007 A solicitude vai dirixida á Consellaría de Pesca e ao presidente da Autoridade Portuaria Os mariñeiros de Punta Langosteira insisten na convocatoria urxente da Mesa de Traballo 12/09/2007 Apróbase unha moción que insta ao cumprimento das resolucións parlamentarias existentes ao respecto A Corporación municipal coruñesa apoia os mariñeiros de Punta Langosteira 01/08/2007 A Consellaría de Pesca abre unha vía de negociación Os afectados pola obras do Porto Exterior demandan que o Estado asuma a parte principal das indemnizacións 27/07/2007 O Consello de Estado emitiu un informe no que di que sería ilegal achegar axudas A CIG anuncia mobilizacións se non se compensa aos afectados polas obras do Porto Exterior de A Coruña 30/06/2007 Pídenlle á Corporación municipal que inste á Autoridade Portuaria a que realice un adianto das indemnizacións Os mariñeiros afectados polo Porto Exterior coruñés reúnense co PSOE local 22/05/2007 Están acusados de cometer un delito de coaccións nunha mobilización nas obras do Porto Exterior en 2005 Concentración nos Xulgados de A Coruña en apoio a oito mariñeiros denunciados 14/04/2007 Esixen que se aborde de maneira definitiva a resolución satisfactoria as súas reclamacións Os afectados polo Porto Exterior solicitan á Autoridade Portuaria a convocatoria da Mesa de Traballo 06/02/2007 Os afectados polo Porto Exterior desbloquearon os accesos á obra, que mantiñan pechados desde o pasado 29 de xaneiro A CIG valora como un paso positivo o acordo entre os mariñeiros e a Autoridade Portuaria coruñesa 30/01/2007 A Autoridade Portuaria non ofrece solucións e os traballadores seguen sen recibir compensacións polo cese da súa actividade Os mariñeiros afectados pola construción do Porto Exterior coruñés bloquean os accesos das obras 07/08/2006 A Autoridade Portuaria incumpre os compromisos cos afectados polas obras do Porto Exterior de A Coruña 19/06/2006 Presentaron alegacións á Instrutora do Expediente de Responsabilidade Patrimonial O colectivo de afectados polas obras do Porto Exterior responsabiliza ao PSOE da falta de solucións 11/04/2006 O novo alcalde non os recibiu e votou contra a iniciativa aprobada no Parlamento Os afectados polas Obras do Porto Exterior de A Coruña critican a actitude continuísta de Losada 24/03/2006 Ínstase a que o Goberno español e a Autoridade Portuaria procedan de forma urxente ao pagamento das indemnizacións O Parlamento de Galiza aproba apoiar as reclamacións dos afectados polas obras do Porto Exterior de A Coruña 27/01/2006 Conseguido o seu obxectivo, poñen fin ao peche na Delegación Provincial Os afectados polas obras do Porto Exterior de A Coruña serán recibidos pola conselleira de Pesca 03/11/2005 Levan meses agardando resposta as súas demandas Os afectados polo Porto Exterior de A Coruña urxen unha xuntanza co presidente da Autoridade Portuaria 29/07/2005 A CIG demanda medios suficientes para atopar o corpo do traballador falecido no Porto Exterior 28/07/2005 CIG-Construción propón a CCOO e UGT denunciar ante a Inspección a morte do traballador do Porto Exterior 23/07/2005 Considera que a falta de prevención causou a morte do traballador o martes 19 de xullo A CIG denuncia ás empresas encargadas das obras do Porto Exterior de A Coruña 22/07/2005 O sindicato presentará denuncia diante da Inspección de Traballo Solidariedade da CIG coa familia do traballador finado en accidente de traballo nas obras do Porto Exterior 16/06/2005 Pecháronse nas dependencias da Consellaría de Pesca e fixeron unha pitada Sonora protesta dos afectados polas obras do Porto Exterior de A Coruña 26/05/2005 Afectados polas obras do Porto Exterior Mariscadores, percebeiros e barcos de baixura siguen faenando malia iniciarse as voladuras 19/05/2005 As perdas ascenden a 27,6 millóns de euros O colectivo de afectados polas obras do Porto Exterior reúnese co presidente da Autoridade Portuaria 10/05/2005 O venres 13 de maio celebrarán unha asemblea xeral para avaliar a situación Os afectados polo Porto Exterior de A Coruña adoptarán medidas ante o silencio das autoridades 30/03/2005 CIG e colectivos de afectados pola construción do Porto Exterior de A Coruña demandan indemnizacións 26/02/2005 Os afectados pola construción do Porto Exterior de A Coruña demandan diálogo

Confederación Intersindical Galega www.galizacig.com ÚLTIMA REVISIÓN: 06/12/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta