Actualidade Vigo, 1 de decembro de 2007 CIG e CGT desconvocan a folga do día 7 e contémplase o anuncio doutra convocatoria inmediata Comfia-CCOO e Fes-UGT asinarán o IV Convenio de Telemárketing o 5 de decembro   CIG-Comunicación- cig.prensa@galizacig.com   A CIG manifesta que non se pode manter a folga do día 7 de decembro, xa que a lei prohibe realizar folgas por Convenios xa asinados, e subliña que están a traballar para abordar novas medidas de presión ao longo do mes de decembro contra a precariedade laboral, polo mantemento do emprego e contra a deslocalización. (Foto: ©Fernando Pol).   A Federación de Banca da CIG recibiu, o 30 de novembro, un correo da patronal de Telemárketing ACE, convocando para o día 5 de decembro unha reunión na que Comfia-CCOO e Fes-UGT procederán á sinatura do IV Convenio Colectivo Estatal desoíndo aos traballadores e traballadoras do sector. Comfia-CCOO e Fes-UGT teñen anunciado que asinarán o acordo desoíndo aos traballadores e traballadoras do sector e incluso aos seus propios compañeiros e compañeiras das seccións sindicais e das federacións de Telecomunicacións que anunciaron a súa oposición a este acordo. A CIG manifesta que non se pode manter a folga do día 7 de decembro, xa que a lei prohibe realizar folgas por Convenios xa asinados. Agora ben, dende a Central sindical subliñan que non hai folga ese día, pero que están a traballar para abordar novas medidas de presión ao longo do mes de decembro contra a precariedade laboral, polo mantemento do emprego e contra a deslocalización. Advirten ás empresas do sector que o sindicato non vai quedar de brazos cruzados diante da situación que están a vivir os traballadores e traballadoras de Telemárketing. A CIG nin se prega nin se rende. Asemade, a CIG quere facer chegar a todo o persoal afectado polo convenio o anuncio doutra inmediata convocatoria de folga que se está preparando para o mes de decembro, con data aínda por determinar.

Informacións relacionadas 30/11/2007 CCOO, UGT e patronal asinan un preacordo de Convenio que amplía a temporalidade e establece salarios de miseria O 7 de decembro CIG e CGT convocan Folga no sector de Telemárketing

Confederación Intersindical Galega www.galizacig.com ÚLTIMA REVISIÓN: 01/12/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta