Actualidade Vigo, 20 de decembro de 2007 As contratas do Sergas incumpren o acordo de aboar a carreira profesional a traballadoras de limpeza, cociña e mantemento Concentración polo cumprimento dos convenios de equiparación salarial nos hospitais de Vigo   CIG-Comunicación- cig.prensa@galizacig.com   Os e as traballadoras de limpeza, cociña e mantemento dos hospitais Meixoeiro, Xeral Cíes, Rebullón e Nicolás Peña, se concentraban o mércores 19 de decembro diante das oficinas de dirección do Nicolás Peña para reivindicaren o cumprimento dos convenios colectivos de equiparación salarial. No Hospital do Meixoeiro, coincidindo co día dos pinchos para o persoal, as traballadoras levaron a cabo unha nova mobilización, aproveitando que estaba presente a Direccion do CHUVI, para reivindicar de novo o cobro da carreira profisional. (Fotos: ©galizacig.com 19/12/2007). Desde as dez da mañá un numeroso e ruidoso grupo de traballadoras e traballadores dos hospitais da comarca de Vigo reclamaban a equiparación salarial e o cumprimento dos convenios colectivos para os traballadores e traballadoras que realizan funcións de limpeza, cociña e mantemento. Os e as traballadoras de limpeza, cociña e mantemento dos hospitais Meixoeiro, Xeral Cíes, Rebullón e Nicolás Peña, manifestaranse durante o mes de decembro para reivindicaren o cumprimento dos convenios colectivos de equiparación salarial. Nos próximos días, se o mércores 19 de decembro se concentraban diante das oficinas de dirección do Nicolás Peña, realizarán concentracións de protesta nos outros centros hospitalarios. Ao mediodia, e despois de rematar a concentración no Nicolas Peña, realizaron no Hospital do Meixoeiro, coincidindo co día dos pinchos para o persoal, unha nova mobilización, aproveitando que estaba presente a Direccion do CHUVI, para reivindicar de novo o cobro da carreira profisional xa que están equiparados cos traballadores e traballadoras do Sergas. Neste momento as empresas contratadas polo Sergas incumpren o novo acordo salarial de aboar a carreira profesional para o persoal subalterno, debendo un total de 840 euros. Só na comarca de Vigo son máis de 300 traballadoras e traballadores afectados, sendo este un problema que se da en todo o ámbito galego. Folga a nivel galego A protesta deste colectivo é “contra as empresas adxudicatarias e contra o Sergas que non quere recibirnos nin quere arranxar esta situación, e que se non o fai, obrigarannos a convocar unha folga a nivel galego”.

Confederación Intersindical Galega www.galizacig.com ÚLTIMA REVISIÓN: 20/12/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta