|
Actualidade CIG-Comunicación-
As reivindicacións comezan o próximo día 12 de decembro con concentracións de media hora en todos os centros de traballo, acto ao que seguirá unha xornada de folga, convocada para o día 21 de decembro, venres. Diante da inaceptable proposta do SERGAS na Mesa Sectorial do día 6 de novembro, CCOO, CESM, CIG-Saúde, CSIF, SATSE e UGT chegaron ao acordo de constituír unha Plataforma Sindical Unitaria que dé resposta as medidas presentadas, e que unifique as reivindicacións da Atención Primaria. En apoio desta Plataforma decidiron convocar as medidas de presión que sexan necesarias, iniciándose cunha xornada de concentracións en Atención Primaria o mércores 12 de decembro de 2007 ás 12 da mañá, con concentracións de media hora o persoal das Unidades de mañá, nos propios centros, o persoal das Unidades de tarde e o persoal dos Pac, nas Xerencias.
A continuación reproducimos integramente o conxunto das reivindicacións presentadas por esta plataforma sindical.
A mellora global da Atención Primaria en Galicia esixe necesariamente medidas e vontades nun dobre plano: na mellora dos recursos materiais e organizativos dispoñibles e na mellora das condicións profesionais e laborais de todo o seu persoal. Non hai ningún plano de mellora que poda ter éxito sen dar resposta satisfactoria a eses dous aspectos. Conscientes desa necesidade, e diante da evidencia de que a política do Sergas só pretende abordar parcialmente o problema, as organizacións sindicais máis representativas no sector sanitario CCOO, CESM, CIG, CSIF, SATSE e UGT acordamos impulsar conxuntamente un plano de medidas para a mellora da atención primaria en materia de persoal. Son as seguintes:
• Xornada máxima semanal de 35 horas ou a súa equivalencia en horas anuais. • Respecto do dereito á voluntariedade para a prolongación de xornada, e igualdade nas súas condicións tanto na limitación de horas como na súa compensación. • Preferencia absoluta da substitución por contratación fronte á acumulación de cargas, para cubrir ausencias; en caso de imperiosa necesidade de acumular cupos, preferencia así mesmo na prolongación voluntaria de horario fronte á intersubstitución. • Redefinición das categorías, as plantillas e as retribucións de persoal non sanitario: cara un persoal de xestión e servizos de atención primaria.
• Eliminación dos sábados como atención ordinaria, con distribución de luns a venres da xornada ordinaria establecida. • Paso de Cartillas a Tis sen perdas retributivas. Especial consideración do impacto nas retribucións do incremento xeneralizado de prazas/cupos, así como das situacións de soidade e de illamento. • Valoración das Tis en base ás cargas de traballo asociadas a 6 diferentes tramos de idade e ao volume de pensionistas menores de 65 anos. • Supresión dos cupos por tramos nas retribucións da Enfermería: cara ao cupo enfermeiro. • Revisión e homologación das retribucións de Odontólogos, Pediatras, Matronas, Fisioterapeutas e Traballadoras Sociais. • Revisión das retribucións do Persoal de Xestión e Servizos, que recoñeza as súas diferentes funcións. • En caso de ter que acudir, só en última opción, á intersubstitución, garantir o pago dunha cuantía superior ao da retribución total do ausente, dende o primeiro día e para todas as categorías.
• Xornada anual de 1.430 horas, ou a que corresponda a unha nova regulación xeral da xornada de 35 horas. • Garantía de cómputo do período de IT como período non recuperable a efectos de xornada. • Desenvolvemento anual das quendas de traballo, cunha distribución equitativa e ponderada entre todo o persoal que preste servizos nos PACs. • Recoñecemento e creación dun complemento vinculado á especificidade da urxencia. • Recoñecemento e aplicación dos complementos vinculados ás particulares condicións de traballo: nocturnidade, festividade (incluídos sábados), e turnicidade adaptada. • Protocolo de actuación para garantir a efectiva protección nos casos de embarazo, maternidade e lactancia. • Definición dun posto de traballo de PSX en PAC e do seu sistema de acceso dende as categorías actualmente existentes. |
|||||||
|
|||||||
|
ÚLTIMA REVISIÓN: 06/12/2007 |
|||||||
|
