|
Actualidade CIG-Comunicación-
O pasado día 17 de decembro o Comité da empresa Eurocen, situada na cidade de A Coruña, aprobou un pronunciamento a favor da Folga convocada para o día 21 de decembro. A CIG só ten nesta empresa unha delegada, que entrou cando se fixo unha ampliación do Comité. No seu día os delegados/as do resto dos sindicatos expresaron publicamente a súa oposición ao Convenio, e agora optaron por non opoñerse á folga na votación do Comité. Onde a folga terá o apoio unánime será en Atento A Coruña, a CIG, CCOO e UGT enviaron un comunicado conxunto a todo o cadro de persoal anunciando o apoio a esta mobilización. No comunicado lémbrase que grazas ás mobilizacións conxuntas do mes de marzo conseguiuse paralizar os novos despedimentos previstos neste centro de traballo, non así no resto das Plataformas desta empresa. O vindeiro día 20 está previsto que se reúna o Comité de Empresa de Unísono Vigo, no que con toda seguridade será aprobado un pronunciamento favorable á Folga, xa que os sindicatos convocantes contan con maioría absoluta. Caso aparte é o de Bosch en Vigo xa que o día 20 están previstas eleccións sindicais para ampliación do número de integrantes do Comité de Empresa, polo que non haberá pronunciamento do Comité. Semella que para algúns os intereses electorais pesan máis que a grave situación do persoal. Dende a Confederación Intersindical Galega, fan un chamamento a todas as traballadoras e traballadores do sector para que apoien masivamente tanto a convocatoria de Folga como as distintas concentracións que se levarán a cabo nas distintas empresas. |
|||||||||
Informacións relacionadas
|
|||||||||
|
|||||||||
|
ÚLTIMA REVISIÓN: 19/12/2007 |
|||||||||
|
