|
Actualidade
Vigo, 21 de decembro de 2007
Tres meses sen aulas
Os alumnos de Artes e Oficios cantan panxoliñas no concello de Vigo para que comecen as clases
| |
 |
| O xoves 20 de decembro a mediodía no
Concello de Vigo xuntábase un grupo de alumnos e alumnas da Escola de Artes e Oficios que, coa chegada de
Nadal, quixeron cantarlle unha panxoliña moi especial á Administración municipal. (Foto:
©galizacig.com 20/12/2007). |
| |
De novo volven ser noticia os alumnos e alumnas
da Escola de Artes e Oficios, que levan numerosas mobilizacións, concentracións, foliadas e diversas
protestas para reclamar que comecen as aulas nesta escola municipal.
Como decidiran na última asemblea, o xoves
20 de decembro a mediodía no Concello de Vigo xuntábase un grupo de alumnos e alumnas que, coa chegada
de Nadal, quixeron cantarlle unha panxoliña moi especial á Administración municipal para reclamar
que se poña solución á situación na que se encontran, xa que levan tres meses sen clases.
A continuación transcribimos o texto destas
tradicionais panxoliñas e cantos de Nadal e Reis que baixo o título de “Pero mira como cantan” lle
dedicaron ás autoridades locais.
Pero mira como cantan
@s de Artes e Oficios
Porque as súas clases
Non deron aínda inicio
Cantan e cantan
E volven a cantar
Para ver se conseguen
As clases comezar.
A concelleira que manda
No tema de Educación
Di que todo este problema
Caeulle de sopetón.
Pero miran como cantan...
En outubro recibiunos
So para darnos un dato
Que o problema era sinxelo:
Regulación de contratos.
Un técnico do Concello
Ao que fai tempo non vexo
Explicounos o outro día
Que o tema era moi complexo.
Ademais van separarnos
E parécenos moi mal
Pois segregaron da escola
a Música Tradicional.
Pero tamén protestamos
Música moderna e son,
@s de encaixe de palillos,
Pintura e encadernación.
O caso é que aqui estamos
O asunto xa non ten pase:
Setembro, outubro, novembro
E decembro e nós sen clase.
Aí vos vai a despedida
Non vola damos de balde
Son os Reis pra a concelleira
Tamén pra o señor alcalde.
Pero mira como cantan...
|
