Actualidade Vigo, 21 de decembro de 2007 Creada a Coordinadora do automóbil Presentación do número cero da revista “Arauto” editada polo sector da automoción da CIG   CIG-Comunicación- cig.prensa@galizacig.com   Na presentación participaron Marcos Marchante, responsábel nacional da CIG do automóbil, Antonio López, secretario de organización da CIG Metal, así como unha representación dos e das integrantes da Coordinadora do automóbil. (Foto: ©galizacig.com 20/12/2007).   O xoves 20 de decembro ás once e media da mañá dábase a coñecer unha nova revista para o subsector do metal da automoción, editada pola CIG, e que pretende chegar aos máis de 15.000 traballadores que hai no sector e dar difusión aos seus conflitos e intereses. Na presentación participaron Marcos Marchante, responsábel nacional da CIG do automóbil, Antonio López, secretario de organización da CIG Metal, así como unha representación dos e das integrantes da Coordinadora do automóbil, composta por 14 persoas que son as e os representantes en cada Comité de cada unha das empresas do automóbil nas que a CIG obtén representación. Antes da rolda de prensa de presentación da revista tivo lugar a formalización e creación oficial deste organismo, que será “unha ferramenta e mecanismo moi útil para o traballo neste subsector”. Numero cero de “Arauto” “Arauto” terá unha tiraxe de 5.000 exemplares, e desde este número cero o que se pretende é “informar das problemáticas que hai nas empresas e establecer liñas de traballo común, así como darlle difusión ao traballo da CIG que realiza desde os distintos centros”.   Descarga en .pdf   Revista “Arauto”, nº 0

Confederación Intersindical Galega www.galizacig.com ÚLTIMA REVISIÓN: 21/12/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta