Actualidade Vigo, 13 de decembro de 2007 Nova mobilización dos alumnos e alumnas Serán popular fronte á Alcaldía de Vigo polo comezo das clases na Escola de Artes e Oficios   CIG-Comunicación- cig.prensa@galizacig.com   A asemblea decidiu unha nova mobilización pública consistente na celebración dun serán popular a partir das 13 do xoves día 13 diante das dependencias da Alcaldía (na sede do antigo reitorado, na rúa Porto) para chamar a atención dos responsábeis desta lamentábel situación. (Foto: ©galizacig.com).   A asemblea de alumnos e alumnas da Escola de Artes e Oficios celebrou o luns 10 de decembro, ás 7 da tarde, unha nova xuntanza para analizar a situación que está a padecer este colectivo, no que respecta ao inicio das clases, que aínda non se produciu neste curso escolar. Despois de pormenorizar as novidades mínimas que hai ao respecto, a asemblea acordou manifestar publicamente a xeral indignación “que nos produce o feito de que a día 10 de decembro aínda non dese comezo o curso escolar nas materias de Pintura, Encadernación, Encaixe de Palillos, Música Moderna e Son, así como as distintas aulas de instrumentos tradicionais (desde agora segregadas da Escola, baixo a denominación de Escola Tradicional)”. Nova convocatoria pública Ademais a asemblea decidiu unha nova mobilización pública consistente na celebración dun serán popular a partir das 13 do xoves día 13 diante das dependencias da Alcaldía (na sede do antigo reitorado, na rúa Porto) para chamar a atención dos responsábeis desta lamentábel situación. Para esta mobilización solicitan desde esta asemblea “a participación e apoio de toda a comunidade de alumnos e alumnas -afectados/as ou non- da Escola”.

Informacións relacionadas 13/11/2007 Posíbeis solucións á vista Os alumnos e alumnas da Escola de Artes e Oficios de Vigo volven mobilizarse polo comezo das clases 07/11/2007 Os alumnos solicitan entrevista coa concelleira Continuarán as mobilizacións polo comezo das clases na Escola de Artes e Oficios de Vigo 18/10/2007 Aínda non comezaron as aulas Alumnos e alumnas da Escola de Artes e Oficios de Vigo maniféstanse pola falta de profesorado no centro

Confederación Intersindical Galega www.galizacig.com ÚLTIMA REVISIÓN: 13/12/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta