Actualidade A Coruña, 18 de xaneiro de 2008 O sindicato nacionalista ten o 35,02% da representatividade fronte ao 28,70% de UGT, que é a segunda forza da bisbarra A CIG de Ferrol é a primeira central da comarca trala conclusión do proceso electoral   CIG-Comunicación- cig.prensa@galizacig.com   Estes resultados son, a xuízo de Fran Cartelle, secretario comarcal de Organización, “un toque de atención á patronal pois evidencian que os obreiros teñen como referente a un sindicato que non claudica”. (Foto: López Pintos (esquerda) e Cartelle na presentación dos resultados das eleccións na comarca ferrolá. ©galizacig.com 17/01/2008).   A CIG de Ferrol converteuse na primeira central da comarca no período electoral comprendido entre os anos 2003 e 2007. O sindicato nacionalista posúe o 35,02% da representatividade, UGT o 28,70% e CCOO o 27,43%. Por federacións, a CIG é maioritaria na Administración (co 50% dos delegados), na Banca, na Construción, no Metal, en Químicas, na Saúde e en Servizos. A CIG conseguiu 443 delegados, UGT 363 e CCOO 347. A central nacionalista subiu 69 representantes con respecto ao anterior proceso (+3,27%). UGT perdeu 15 (-3,39%) e CCOO gañou 22 mais experimentou un retroceso do 0,16%. Xesús Anxo López Pintos, secretario comarcal da CIG, agradeceu en roda de prensa o apoio brindado polos traballadores ao sindicato. Salientou que a central nacionalista presentou candidaturas no 90% das empresas que celebraron eleccións na bisbarra. A participación da CIG nas diferentes votacións non estivo exenta de dificultades por mor das ameazas dos empresarios sobre os integrantes das listas do sindicato: “A patronal aposta por outro tipo de sindicalismo”, apostilou López Pintos. “Agora temos unha responsabilidade máis grande na nosa comarca”, engadiu, “que é a que ten maior explotación laboral de Galiza”. Estes resultados son, a xuízo de Fran Cartelle, secretario comarcal de Organización, “un toque de atención á patronal pois evidencian que os obreiros teñen como referente a un sindicato que non claudica”. Cartelle relaciona o éxito fraguado pola CIG co modelo que representa “de sindicato nacionalista, de clase, combativo e participativo”.   Descarga, imprime, difunde...   Informe das Eleccións Sindicais 2004-2007 na Cormarca de Ferrol

Confederación Intersindical Galega www.galizacig.com ÚLTIMA REVISIÓN: 18/01/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta