Actualidade A Coruña, 16 de xaneiro de 2008 A central nacionalista pasa de 6 a 8 representantes no comité provincial coruñés desta empresa de Gadisa A CIG fica ao borde da maioría absoluta en Almacenes Casán   CIG-Comunicación- cig.prensa@galizacig.com   A CIG, con 8 delegados/as no Comité provincial de A Coruña de Almacenes Casán, subiu dous representantes con respecto ao anterior proceso electoral e quedou a unha escasa marxe de conseguir a maioría absoluta. (Descarga a foto en tamaño tapiz para o escritorio de Windows 1024x768 ou 1280x960).   A CIG conseguiu 8 delegados nas eleccións ao Comité provincial coruñés de Almacenes Casán, empresa pertencente ao Grupo Gadisa. O sindicato nacionalista subiu dous representantes con respecto ao anterior proceso electoral e quedou a unha escasa marxe de conseguir a maioría absoluta. A participación foi do 67,5%. Begoña Martínez, presidenta do Comité de Almacenes Casán en A Coruña e candidata da CIG, considera que estes resultados representan un recoñecemento ao labor desenvolvido pola sección sindical nestes catro anos. Martínez agradece a confianza que depositaron os traballadores na lista da CIG e agarda que nas próximas eleccións se acade a maioría absoluta. “Seguiremos traballando e informando os traballadores como até agora”. Entre os obxectivos inmediatos sitúa o recoñecemento das categorías e o pagamento das horas extra. Begoña Martínez espera que o aumento da representatividade da CIG no sector do Comercio de Alimentación en A Coruña sirva para negociar un convenio digno. Resultados nas eleccións ao Comité provincial de A Coruña de Almacenes Casán Colexio de Especialistas e Non Cualificados CIG: 253 votos, 8 delegados/as. USO: 147 votos, 5 delegados/as. UGT: 81 votos, 2 delegados/as. Houbo 21 papeletas en branco e 7 nulas. Colexio de Técnicos e Administrativos USO: 31 votos, 2 delegados/as. Contabilizáronse 9 votos en branco e 2 nulos. A de USO foi a única candidatura presentada neste Colexio.

Confederación Intersindical Galega www.galizacig.com ÚLTIMA REVISIÓN: 16/01/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta