Actualidade / Artigo Vigo, 28 de xaneiro de 2008 Unha proposición indecente   Clodomiro Montero Martínez- secbanca@galizacig.net   Xa vale de recortar as pensións futuras das persoas que hoxe traballamos e cotizamos, e de prometer en campaña electoral unha suba das pensións dos actuais pensionistas para tratar de tirar do voto deste colectivo. Estamos ante unha proposición indecente que debemos rexeitar enerxicamente, abonda de recortar por un lado e facer promesas electoralistas por outro.   Mentres asistimos aos recortes permanentes das prestacións da Seguridade Social, as promesas de suba das pensións forman parte de todas as campañas electorais. Como naquela película de Hollywood, as persoas con dereito a voto nas eleccións do vindeiro 9 de marzo están a recibir propostas indecentes. Unha das últimas leis aprobadas polo Parlamento español, antes da súa disolución, foi unha nova reforma da Seguridade Social na liña das anteriores: alongar a vida laboral, esixir un maior período de cotización para acceder a unha prestación e recortar de paso as prestacións. Todo argumentado pola tan manida e falsa futura posible quebra do sistema público de pensións. Como é habitual na maior parte das campañas electorais estatais, goberne quen goberne, asistimos a promesas de futuras subas das prestacións, desta volta por boca do candidato do PSOE. Xa vale de recortar as pensións futuras das persoas que hoxe traballamos e cotizamos, e de prometer en campaña electoral unha suba das pensións dos actuais pensionistas para tratar de tirar do voto deste colectivo. Estamos ante unha proposición indecente que debemos rexeitar enerxicamente, abonda de recortar por un lado e facer promesas electoralistas por outro. Galiza, 25 de xaneiro de 2008.

Clodomiro Montero Martínez, secretario nacional da Federación de Banca da CIG. (Máis artigos...)

Confederación Intersindical Galega www.galizacig.com ÚLTIMA REVISIÓN: 28/01/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta