Actualidade Santiago, 15 de xaneiro de 2008 Concentración de delegados/as o mércores 16 de xaneiro, ás 11:30 horas diante da Consellaría Convocatoria unitaria para reclamar de Educación un novo proxecto de orde para a xornada única   CIG-Comunicación- cig.prensa@galizacig.com   A concentración terá lugar o vindeiro mércores 16 de xaneiro, ás 11:30 horas, diante da Consellaría de Educación, en Santiago, co obxecto de reivindicar que a Consellaría retome as negociacións. (Foto: ©galizacig.com).   O pasado 27 de decembro, as organizacións sindicais do ámbito do ensino, CIG-Ensino, CCOO, UGT, ANPE, STEG e CSIF, presentaban diante do presidente da Mesa Sectorial Docente non Universitaria un escrito para reclamar un novo proxecto de orde sobre implantación da xornada única e demandar unha entrevista con carácter de urxencia. Ante a falta de resposta da Consellaría acordaron, de forma unitaria, convocar unha concentración de delegados/as e buscar o apoio dos claustros, dos consellos escolares e das ANPAs. A concentración terá lugar o vindeiro mércores 16 de xaneiro, ás 11:30 horas, diante da Consellaría de Educación, en Santiago, co obxecto de reivindicar que a Consellaría retome as negociacións presentando un novo proxecto de orde que recolla, entre outras cuestións, que: • Para proceder á modificación da xornada se requirirá a participación do 50 % do censo, entendendo un só voto por unidade familiar, e o voto favorábel dos dous terzos dos participantes. • O transporte escolar nunca condicionará o cambio de xornada lectiva proposta e aprobada pola comunidade educativa. Alén diso, acordaron recadar o apoio dos claustros de profesores e profesoras, dos consellos escolares e das asociacións de nais e pais. As organizacións sindicais CIG-Ensino, CCOO, UGT, ANPE, STEG e CSIF agardan que a Consellaría recapacite e convoque de novo a negociación cun novo proxecto de orde, do contrario, as organizacións sindicais anuncian que continuarán coas mobilizacións.

Informacións relacionadas 22/12/2007 Todas as organizacións sindicais esixen a retirada do proxecto CIG-Ensino considera inaceptábel a última proposta para xornada única da Consellaría de Educación 20/12/2007 Exixen unha regulamentación menos restritiva CIG-Ensino demanda de Educación a xornada única cantándolle coplas á conselleira 19/12/2007 Demandan que non se condicione a decisión ao transporte escolar Concentración de CIG-Ensino por uns criterios menos restritivos para os centros acollerse á xornada única

Confederación Intersindical Galega www.galizacig.com ÚLTIMA REVISIÓN: 15/01/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta