Actualidade Vigo, 16 de xaneiro de 2008 Camiñando cara unha folga nacional Mobilización das traballadoras do servizo de limpeza do Hospital de Montecelo pola equiparación e a carreira   CIG-Comunicación- cig.prensa@galizacig.com   As traballadoras e traballadores da empresa adxudicataria de Clece, que realizan a limpeza do Complexo Hospitalario de Pontevedra, manifestábanse desde as dez da mañá pola equiparación salarial e a carreira profesional. (Fotos: ©galizacig.com 15/01/2008).   Nova mobilización das traballadoras e traballadores das empresas adxudicatarias do Sergas, desta volta, na cidade de Pontevedra, e aproveitando a hora do descanso, un numeroso e ruidoso grupo de traballadoras manifestábanse diante do Hospital de Montecelo. As traballadoras e traballadores da empresa adxudicataria de Clece, que realizan a limpeza do Complexo Hospitalario de Pontevedra, manifestábanse desde as dez da mañá para unirse deste xeito ás outras mobilizacións realizadas nos hospitais de Vigo, e que se van estendendo ao longo do país con asembleas e novas convocatorias, que van camiño dunha folga nacional pola equiparación salarial e a carreira profesional. Cumprimento do convenio Clece, a empresa concesionaria do servizo de limpeza, ten asinado coas traballadoras e traballadores a equiparación cos grupos E e D do Sergas, pero está a incumprir estes pagos. O obxectivo desta concentración, ademais de pola cuestión da carreira profesional e a equiparación salarial co persoal do Sergas, viña motivado pola protesta polo impago de varios conceptos salariais en materia de antigüidade. As mobilizacións e asembleas continuarán nas próximas semanas, coa posibilidade dunha convocatoria de folga en todos os hospitais galegos a finais de mes, así como un encontro previo de delegados e delegadas en Compostela, para continuar a presionar ao Sergas e as empresas concesionarias para que cumpran co seu compromiso da equiparación salarial e o pago da carreira profesional.

Informacións relacionadas 21/12/2007 Esta vez, diante do Hospital Xeral Cíes de Vigo O persoal das contratas do Sergas repite mobilizacións pola equiparación salarial da carreira profesional 20/12/2007 As contratas do Sergas incumpren o acordo de aboar a carreira profesional a traballadoras de limpeza, cociña e mantemento Concentración polo cumprimento dos convenios de equiparación salarial nos hospitais de Vigo

Confederación Intersindical Galega www.galizacig.com ÚLTIMA REVISIÓN: 16/01/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta