Actualidade Vigo, 22 de xaneiro de 2008 Pola equiparación a nivel galego Os bombeiros dos Consorcios Comarcais de Pontevedra reuniranse coa Xunta para desbloquear o conflito salarial   CIG-Comunicación- cig.prensa@galizacig.com   Os traballadores reclaman unha suba igual á dos Consorcios de A Coruña con efectos retroactivos desde outubro de 2007 no camiño da substitución dos actuais Consorcios Comarcais por un único Consorcio Provincial con xestión pública directa, tal como recolle a disposición adicional 3ª da Lei de Emerxencias de Galiza do ano 2007. (Foto: ©galizacig.com).   A directora xeral de Protección Civil, Esther González Saavedra, convocou para o martes 22 de xaneiro ás 16:30 horas a unha representación dos bombeiros dos tres Consorcios Comarcais privatizados da provincia de Pontevedra (O Morrazo, O Salnés e Baixo Miño). A intención desta xuntanza é tratar de dar saída á situación de discriminación salarial na que se atopan os bombeiros dos anteditos Consorcios Comarcais que foi denunciada publicamente pola CIG na pasada semana. Esta situación é consecuencia da negativa da Deputación de Pontevedra a chegar a un acordo coa Consellaría de Presidencia semellante ao acadado en A Coruña, que permitiu nesta provincia incrementar os salarios 230 euros ao mes para os bombeiros, 300 euros para os cabos e 100 euros para os xefes de servizo desde outubro de 2007. Equiparación salarial Os traballadores reclaman unha suba igual á dos Consorcios de A Coruña con efectos retroactivos desde outubro de 2007 no camiño da substitución dos actuais Consorcios Comarcais por un único Consorcio Provincial con xestión pública directa, tal como recolle a disposición adicional 3ª da Lei de Emerxencias de Galiza do ano 2007. Os bombeiros dos parques de O Morrazo, O Salnés e Baixo Miño esperan ao resultado desta xuntanza na Consellaría para deseñar as súas accións reivindicativas.

Informacións relacionadas 18/01/2008 A Deputación de Pontevedra discrimina aos bombeiros A CIG reclama para o Parque de O Morrazo a suba salarial pactada coa Xunta a nivel galego

Confederación Intersindical Galega www.galizacig.com ÚLTIMA REVISIÓN: 22/01/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta