Actualidade Vigo, 31 de xaneiro de 2008 Dignificación salarial Os bombeiros dos Consorcios Comarcais de Pontevedra chegan a un acordo coa Deputación   CIG-Comunicación- cig.prensa@galizacig.com   O acordo foi consecuencia das accións reivindicativas iniciadas polos bombeiros na pasada semana, que foron interrompidas o xoves como mostra de boa vontade. (Foto: ©galizacig.com).   O martes 29 de xaneiro tivo lugar unha xuntanza entre os representantes sindicais dos tres Consorcios Comarcais privatizados da provincia de Pontevedra (O Morrazo, O Salnés e Baixo Miño) e o presidente da Deputación de Pontevedra. Nesta xuntanza Rafael Louzán comprometeuse a facer efectiva a suba salarial demandada polos bombeiros e da que xa se están beneficiando os consorcios comarcais de outras provincias galegas. Trátase dunha suba salarial nas 14 pagas de 191 euros para os bombeiros, 256 euros para os cabos e 78 euros para os xefes de servizo, asumida de maneira compartida pola Consellaría de Presidencia e pola Deputación Provincial. Louzán certificou que esta suba será aplicada desde o mes de xaneiro de 2008 e que se debaterá no marco de cada Consorcio Comarcal a posibilidade de facela retroactiva desde outubro de 2007. Consecuencia da mobilización Este acordo foi consecuencia das accións reivindicativas iniciadas polos bombeiros na pasada semana, que foron interrompidas o xoves como mostra de boa vontade cando a Deputación asegurou que tiña vontade de solucionar esta situación, que mantiña discriminados aos bombeiros dos consorcios comarcais pontevedreses fronte aos seus compañeiros doutras provincias.

Informacións relacionadas 25/01/2008 Grazas ao peche no parque comarcal Os bombeiros do parque de O Morrazo conseguen un preacordo pola presión das mobilizacións 22/01/2008 Pola equiparación a nivel galego Os bombeiros dos Consorcios Comarcais de Pontevedra reuniranse coa Xunta para desbloquear o conflito salarial 18/01/2008 A Deputación de Pontevedra discrimina aos bombeiros A CIG reclama para o Parque de O Morrazo a suba salarial pactada coa Xunta a nivel galego

Confederación Intersindical Galega www.galizacig.com ÚLTIMA REVISIÓN: 31/01/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta