|
Actualidade CIG-Comunicación-
Estas protestas tiveron lugar na presentación interna que realizou a xerente no Hospital de Montecelo, a primeira hora da mañá, así como na rolda de prensa que realizou esta xerente no Hospital Provincial para presentar á nova equipa. Na rolda de prensa os delegados e delegadas da Comisión de Centro, apoiaban esta proposta 17 delegados/as dos 25 electos (SATSE, CIG, que conta con 5 delegados/as, CCOO, UGT, OMEGA), despregaron carteis reclamando o cese da xerencia do CHOP. Ademais acompañaron con estes carteis tamén a saída da xerente do salón de actos. A continuación reproducimos o comunicado ao que deu lectura Judith Juncal, secretaria da Comisión de Centro, para dar a coñecer a posición dos traballadores e traballadoras sanitarias sobre este “novo acto de propaganda e difusión cara fora das políticas baleiras da xerencia do centro”: «A comisión de Centro do CHOP estivo ao longo de moitos meses reclamando e sen resultados medidas para solucionar problemas de recursos humanos e de xestións neste complexo. Desde o ano 2006 estivemos chamando a atención sobre diversos problemas tanto de servizo público, calidade asistencial como as listas de espera, os colapsos de urxencia permanentes e outros, como das condicións de traballo do persoal deste complexo (fuga de facultativos, redución de persoal) que seguen sen ser solucionados, e están en igual ou peor situación que a denunciada no seu momento. Está ai o exemplo de cardioloxía, onde hai menos facultativos dos que había cando entrou a actual xerente, urxencias, co colapso permanente, pediatría, a UCI que está sen médicos practicamente, dixestivo, medicina interna, neumoloxía, reanimación, a unidade de transfusións... Pensamos que non hai servizos neste complexo hospitalario que non estea sufrindo a mala xestión desta xerencia. Todos os esforzos que non adicou esta xerente a facer un traballo serio co seu equipo, non escatimou nada en maquillar a súa imaxe diante da opinión pública, e o seu único obxectivo foi a lista cirúrxica, e mesmo os datos que ela reflexa nós os poñemos moi en dúbida. Non consideramos que as mudanzas na equipa directiva sexan as solucións, porque a solución sería que a xerente marchase, por iso continuamos a demandar o cese da xerente. En definitiva consideramos desde todos os estamentos profesionais (e é que esta muller conseguiu cabrear a todos os estamentos profesionais neste complexo hospitalario) que manter na dirección á actual xerente é abocar ao noso centro a unha situación de crise de cada vez máis difícil situación, e por todo isto esiximos o cese inmediato da actual xerente». |
|||||||||
|
|||||||||
|
ÚLTIMA REVISIÓN: 16/01/2008 |
|||||||||
|
