Actualidade A Coruña, 7 de febreiro de 2008 O xuízo contra o secretario comarcal da CIG de Ferrol terá que se repetir A Audiencia Provincial de A Coruña anula a sentenza que condenou López Pintos   CIG-Comunicación- cig.prensa@galizacig.com   López Pintos fora condenado a aboar unha multa de 120 euros e a pagarlle unha indemnización de 600 en concepto de “danos morais” ao encargado da obra da construtora “OYC Compostela” en Mugardos na que catro obreiros portugueses levaban mes e medio sen cobrar. (Foto: ©galizacig.com).   A Audiencia Provincial de A Coruña anulou a sentenza emitida polo Xulgado de Instrución número 3 de Ferrol que condenara Xesús Anxo López Pintos, secretario comarcal da CIG, por unha acción sindical nunha obra de Mugardos na que catro obreiros non cobraban. A Audiencia considera que López Pintos sufriu indefensión pois, na vista oral, o xuíz de Instrución non permitiu que declarasen varias testemuñas propostas pola defensa. O xuízo de faltas contra o secretario comarcal terá que volverse a celebrar, segundo estima o fallo da Audiencia Provincial. López Pintos fora condenado a aboar unha multa de 120 euros e a pagarlle unha indemnización de 600 en concepto de “danos morais” ao encargado da obra da construtora “OYC Compostela” en Mugardos na que catro obreiros portugueses levaban mes e medio sen cobrar. Membros da CIG acudiran ao lugar o 14 de marzo de 2007 para reclamarlle á empresa o pagamento das cantidades adebedadas a estes traballadores.

Informacións relacionadas 29/09/2007 Membros da CIG acudiran ao lugar para reclamar o pagamento das débedas a catro operarios portugueses Condenan López Pintos pola acción sindical na obra de OYC en Mugardos 05/09/2007 Medio centenar de compañeiros apoian o secretario comarcal ferrolán ás portas dos Xulgados Piden 2.400 euros a López Pintos por defender os dereitos dos traballadores

Confederación Intersindical Galega www.galizacig.com ÚLTIMA REVISIÓN: 07/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta