Actualidade Santiago, 7 de febreiro de 2008 Con 5.628 delegados e delegadas A CIG confírmase como a segunda forza sindical na Galiza, segundo os datos da Consellaría de Traballo   CIG-Comunicación- cig.prensa@galizacig.com   Este bo resultado electoral da CIG ven reafirmar a crecente confianza dos traballadores e traballadoras galegas no modelo sindical diferente que representa a CIG respecto do sindicalismo español, un sindicalismo galego, reivindicativo, de base, participativo e independente do poder.   A Consellaría de Traballo ven de confirmar os datos que desde a CIG xa se facían públicos, e que xa se anunciaban no pasado mes de xaneiro, que colocan á central sindical nacionalista CIG como segunda forza sindical no país. Segundo estes datos oficiais, no proceso de eleccións sindicais que ía do 1 de xaneiro de 2004 ao 31 de decembro de 2007 a CIG obtivo un total de 5.628 delegados, superando a CCOO e ficando a 545 delegados e delegas de UGT. Este bo resultado electoral da CIG ven reafirmar a crecente confianza dos traballadores e traballadoras galegas no modelo sindical diferente que representa a CIG respecto do sindicalismo español, un sindicalismo galego, reivindicativo, de base, participativo e independente do poder. Confírmase tamén o incremento en cada proceso electoral da representación da CIG. Neste proceso electoral escolléronse uns 2.000 delegados e delegadas máis, dos que a CIG obtivo a metade. Este é o cadro definitivo que quedaría:   A Coruña Lugo Ourense Pontevedra Total UGT 2.573 745 764 2.091 6.173 CIG 2.182 454 444 2.548 5.628 CCOO 2.224 665 593 2.106 5.588 Outros 957 315 334 700 2.306 Total 7.936 2.179 2.135 7.445 19.695 Primeira forza en Pontevedra Atendendo a nivel provincial, a CIG é a primeira forza sindical na provincia de Pontevedra, con 2.548 delegados e delegadas. Desde a CIG, xa se realizou unha avaliación moi positiva destes resultados nas eleccións sindicais, porque “ademais de situarnos como 2ª forza sindical en Galiza, colócanos nunha moi boa posición para acadar nos próximos catro anos o primeiro posto, superando nese período os delegados/as que nos separan de UGT”.

Informacións relacionadas 17/01/2008 O sindicalismo nacionalista avanza do 26,2% en 2003 ao 28,6% en 2007 e pasa a ser a segunda forza en Galiza A CIG medra en máis de 1.000 delegados a súa representación nas eleccións sindicais

Confederación Intersindical Galega www.galizacig.com ÚLTIMA REVISIÓN: 07/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta