Actualidade Vigo, 29 de febreiro de 2008 Críticas a Traballo A CIG de Ourense denuncia o espectacular incremento da sinistralidade en xaneiro   CIG-Comunicación- cig.prensa@galizacig.com   Volve ser o sector da Construción o de maior sinistralidade, cun aumento do 62% nos números totais. (Foto: ©galizacig.com).   Un total de 406 accidentes con baixa en xornada de traballo rexistráronse en Ourense no primeiro mes do ano, 130 máis que no mesmo período do ano anterior (276) o que representa un incremento do 47%. Volve ser o sector da Construción o de maior sinistralidade, cun aumento do 62% nos números totais; incremento que é do 67,96% en relación coa poboación afiliada entre un período e outro, tendo en conta o descenso desta última. Por outra banda, desde a CIG de Ourense criticaron, a través dun comunicado de prensa “o incumprimento, por parte da Delegación de Traballo, do compromiso de reunir a Mesa na que participamos, ademais da propia Delegación, a Inspección de Traballo, a Fiscalía e as Centrais Sindicais”. Este encontro estaba previsto que se realizara despois das celebracións do nadal, e até o de agora non houbo ningunha convocatoria. Sector Leves Graves Mortais Totais   2007 2008 % var 2007 2008 % var 2007 2008 % var 2007 2008 % var Agricultura 20 15 -25 2 1 -50 0 0 0 22 16 -27,27 Industria 100 148 48 1 3 200 0 0 0 101 151 50 Construción 48 78 63 1 2 100 1 1 0 50 81 62 Servizos 102 157 53,92 1 1 0 0 0 0 103 158 53 Total 270 398 47,41 5 7 40 1 1 0 276 406 47

Confederación Intersindical Galega www.galizacig.com ÚLTIMA REVISIÓN: 29/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta