Actualidade A Coruña, 1 de febreiro de 2008 Este organismo fai caso omiso das 13 denuncias que presentou o sindicato nos últimos meses A CIG-Transporte protestará na sede da Inspección de Traballo pola súa inhibición na empresa Luber   CIG-Comunicación- cig.prensa@galizacig.com   A CIG puxo en coñecemento da Inspección as ameazas recibidas por algúns traballadores, o atraso nalgunhas mensualidades, o exceso nas xornadas de traballo, o traslado irregular de seis empregados a Barcelona e o de outro a Pontevedra. Sen embargo a Inspección, por medio do inspector Francisco Javier Fernández Travieso, exculpa sistematicamente a empresa e ignora todas estas irregularidades. (Foto: ©Fernando Pol).   Membros da CIG-Transporte e traballadores de Luber, filial do Grupo Monbús dedicada ao transporte escolar, protagonizarán un acto de protesta o luns 4 de febreiro, a partir das 11:00 horas, nas instalacións da sede provincial da Inspección de Traballo, sita na rúa Menéndez Pelayo, 20, de A Coruña. A CIG quere evidenciar con este acto o desleixo amosado pola Inspección de Traballo ante os continuos incumprimentos da lexislación laboral que comete Luber. A central nacionalista presentou até 13 denuncias contra a empresa nos últimos meses. A CIG puxo en coñecemento da Inspección as ameazas recibidas por algúns traballadores, o atraso nalgunhas mensualidades, o exceso nas xornadas de traballo, o traslado irregular de seis empregados a Barcelona e o de outro a Pontevedra. Sen embargo a Inspección, por medio do inspector Francisco Javier Fernández Travieso, exculpa sistematicamente a empresa e ignora todas estas irregularidades. Por outra banda, a CIG-Transporte quere lembrar que Raúl López e Juan Gómez Piña, outro directivo de Monbús, están procesados por coaccionar os traballadores de Luber nunha causa na que o Xulgado de Instrución número 2 de A Coruña abriu dilixencias previas.

Confederación Intersindical Galega www.galizacig.com ÚLTIMA REVISIÓN: 01/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta