Actualidade Vigo, 19 de febreiro de 2008 Nova concentración dos traballadores polo recoñecemento das 12.000 horas A Policía portuaria de Vigo contra o acordo de empresa asinado por CCOO e UGT   CIG-Comunicación- cig.prensa@galizacig.com   A Policía porturaria continuará as mobilizacións até conseguir da Autoridade Portuaria o abono das 12.000 horas extras, a razón dos 107 euros xornada establecidos en Convenio para o ano 2007. (Foto: ©galizacig.com).   O xoves 14 de febreiro ás 14:00 horas, efectivos da Policía portuaria, xunto cos delegados sindicais e membros do Comité da CIG concentráranse de novo no Porto de Vigo. A CIG Portos reclama para a Policía portuaria de Vigo o abono de 12.000 horas extras realizadas por un colectivo de 74 traballadores durante o ano 2007, a confección dun calendario laboral para todo o ano 2008, como é preceptivo, e o incremento de persoal a fin de adecuar o numero de efectivos a un servizo publico e de calidade á Comunidade portuaria. A semana pasada, a empresa acordou con CCOO e UGT, sindicatos minoritarios na Policía portuaria, o abono de 2.800 horas extras, fronte ás 12.000 realizadas, e as 6.000 declaradas pola empresa, que sigue persistindo na súa negativa a aportar á CIG os datos nominais dos días traballados na Policía portuaria, para evitar unha reclamación xudicial multitudinaria do colectivo. Así mesmo, a empresa acordou con CCOO e UGT o abono desas 2.800 horas a razón de 50 euros por xornada, importe que é a metade do contemplado no Convenio Colectivo de aplicación no Porto de Vigo, e que eles mesmos firmaron, xunto coa CIG, hai tres anos. Asembleas de traballadores As Asembleas de Policía portuaria realizadas o pasado mércores 13 de febreiro rexeitaron unanimemente o acordo acadado por insuficiente, e por iso decidiron continuar as mobilizacións até conseguir da Autoridade Portuaria o abono das 12.000 horas extras, a razón dos 107 euros xornada establecidos en Convenio para o ano 2007. Desde a CIG Portos afirman “continuar abertos ao dialogo, pero non imos facer deixación dos dereitos que lle asisten aos traballadores”.

Informacións relacionadas 07/02/2008 Reclaman máis efectivos, un calendario laboral e o abono das horas extra Nova mobilización da Policía portuaria de Vigo pola mellora das condicións laborais 02/02/2008 12.000 horas de exceso de xornada A Policía portuaria mobilízase polo calendario laboral e o aumento de persoal

Confederación Intersindical Galega www.galizacig.com ÚLTIMA REVISIÓN: 19/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta