Actualidade Santiago, 13 de febreiro de 2008 O xoves 14 de febreiro, ás 11:30 diante do Parlamento de Galiza, en Compostela Concentración da CIG en defensa do servizo de Correos no rural e pola derrogación do decreto 503/07   CIG-Comunicación- cig.prensa@galizacig.com   Para CIG-Correos, coa aplicación deste RD estaríase discriminando especialmente ao rural de Galiza, que sería o máis afectado polo cambio de modalidade de reparto, e non se podería garantir a protección de datos porque calquera podería acceder a envíos postais nos que figuran datos privados, ao substituír o reparto domiciliario por buzóns pluridomiciliarios.   CIG-Correos convoca este xoves 14 de febreiro unha concentración diante do Parlamento de Galiza en defensa do servizo de correos no rural galego e en demanda da derrogación do Decreto que permite que se substitúa o reparto a domicilio, nos chamados “contornos especiais” por un sistema de reparto en buzóns pluridomiciliarios. Alerta ademais de que, de implantarse este sistema, estarían en risco 400 postos de traballo. CIG-Correos veu desenvolvendo nas últimas semanas unha campaña informativa e de sensibilización que culmina este xoves 14 de febreiro coa convocatoria dunha concentración diante do Parlamento de Galiza en demanda da derrogación, cando menos, do artigo 37 do RD 503/07, polas graves consecuencias que tería a súa aplicación para o reparto postal ordinario, dadas as características do hábitat rural galego e a dispersión da poboación. Neste artigo elimínase o reparto domiciliario ordinario nos chamados contornos especiais que son aqueles nos que hai vivendas illadas ou situadas en contornos cualificados como diseminados e que estean a máis de 250 metros da vía pública; contornos de grande desenvolvemento da construción e mínima densidade de poboación; contornos onde o número de habitantes censados sexa igual ou inferior a 25 por hectárea; contornos onde o número de vivendas ou locais sexa inferior a 10 por hectárea ou aqueles nos que o volume de envíos ordinarios non exceda dos 5 semanais de media por domicilio e cómputo anual... Para CIG-Correos, coa aplicación deste RD estaríase discriminando especialmente ao rural de Galiza, que sería o máis afectado polo cambio de modalidade de reparto, e non se podería garantir a protección de datos porque calquera podería acceder a envíos postais nos que figuran datos privados, ao substituír o reparto domiciliario por buzóns pluridomiciliarios. Para a CIG-Correos, tras destes cambios agocharíase realmente a inminente privatización do servizo postal. A liberalización do sector está prevista para o ano 2011 e, deste xeito, comezarían a reducirse os custos, en concreto na partida de persoal –sobrarían uns 400 carteiros rurais, segundo ten calculado a CIG– incrementaríanse os beneficios e converteríase a Correos nun bocado apetecíbel para ser absorbido por calquera multinacional.

Informacións relacionadas 25/01/2008 Solicita que se reclame a transferencia de competencias na materia A CIG demanda a derrogación do RD que permite deixar de repartir o correo no rural

Confederación Intersindical Galega www.galizacig.com ÚLTIMA REVISIÓN: 13/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta