Actualidade Vigo, 7 de febreiro de 2008 Mobilización o venres 8 de febreiro Concentración contra o despedimento e a persecución sindical dun traballador do Campo de Golf de Domaio   CIG-Comunicación- cig.prensa@galizacig.com   A Federación de Servizos da CIG denuncia a persecución sindical que se está a sufrir nas instalacións do Campo de Golf de Domaio, xa que ante a presentación da candidatura da CIG un venres, o traballador recibiu a carta de despedimento ao luns seguinte.   A mobilización pola readmisión dun traballador despedido por formar parte dunha candidatura da CIG no proceso de eleccións sindicais terá lugar o venres 8 de febreiro ás 11 da mañá na porta principal do Campo de Golf de Domaio (Moaña). A concentración, para a que se mobilizarán delegados e delegadas da CIG da Comarca de Vigo, ven motivada polo despedimento dun traballador, que despois de 14 anos na empresa, realizando servizo de mantemento e xardinaría, é despedido e perseguido despois de gañar as eleccións sindicais en representación da central sindical nacionalista CIG. Acción sindical A Federación de Servizos da CIG denuncia a persecución sindical que se está a sufrir nestas instalacións, xa que ante a presentación da candidatura da CIG un venres, o traballador recibiu a carta de despedimento ao luns seguinte, 26 de novembro de 2007. Desde esa data tentouse procurar unha saída negociada á situación, que en todo caso tiña que pasar pola readmisión do traballador, pero que non conseguiu nada, polo que a acción sindical e a mobilización se volve totalmente necesaria. O traballador reclama a súa readmisión, polo que foi presentada diante do Xulgado do Social unha demanda por despedimento improcedente.

Confederación Intersindical Galega www.galizacig.com ÚLTIMA REVISIÓN: 07/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta