Actualidade Vigo, 7 de febreiro de 2008 Reclaman máis efectivos, un calendario laboral e o abono das horas extra Nova mobilización da Policía portuaria de Vigo pola mellora das condicións laborais   CIG-Comunicación- cig.prensa@galizacig.com   Con esta nova concentración, a CIG critica da Autoridade Portuaria “a falta de vontade negociadora” e a manifesta “a incapacidade do persoal directivo do porto para buscar solución a un conflito que vimos arrastrando desde maio do ano pasado”. (Fotos: ©galizacig.com 06/02/2008).   Efectivos da Policía portuaria fóra de quendas de traballo acompañados dos delegados do Comité de Empresa da CIG concentráronse o mércores 6 de febreiro as 7:45 horas no acceso a Autoridade Portuaria de Vigo por Guixar. Só foi media hora de corte de tránsito no principal acceso ao porto comercial, pero os traballadores da Policía portuaria conseguiron chamar a atención dos centos de coches que colapsaron neses trinta minutos o acceso a Vigo nesta zona. A CIG reclama da Autoridade Portuaria que se dote ao persoal de máis efectivos e dun calendario laboral, que especifique os días de traballo e descanso para o ano 2008 así como o abono de 12.000 horas extra realizadas no 2007. Con esta nova concentración, a CIG critica da Autoridade Portuaria “a falta de vontade negociadora” e a manifesta “a incapacidade do persoal directivo do porto para buscar solución a un conflito que vimos arrastrando desde maio do ano pasado”. Silencio da Autoridade Portuaria A CIG critica ademais que “mentres o ente público Portos do Estado, do que depende organicamente a Autoridade Portuaria está disposto a resolver pola vía negociada o conflito autorizando o pago das horas extras, a Autoridade Portuaria de Vigo co seu silencio e falta de iniciativa está provocando que este conflito se radicalice nos próximos días”.

Informacións relacionadas 02/02/2008 12.000 horas de exceso de xornada A Policía portuaria mobilízase polo calendario laboral e o aumento de persoal

Confederación Intersindical Galega www.galizacig.com ÚLTIMA REVISIÓN: 07/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta