Actualidade A Coruña, 7 de febreiro de 2008 75 operarios desta empresa do Metal están chamados a secundar en Galiza esta medida protesta Os traballadores de Atefrisa comezan unha folga indefinida   CIG-Comunicación- cig.prensa@galizacig.com   A folga ten carácter indefinido e abrangue de luns a venres cos seguintes horarios: de 12:00 a 13:30 horas e de 16:00 a 17:30 horas. (Foto: ©galizacig.com).   Os traballadores de Atefrisa comezaron o 7 de febreiro unha folga indefinida. Os preto de 75 operarios que ten en Galiza esta empresa do sector do Metal, especializada na instalación de sistemas de illamento térmico, realizan traballos na central térmica de Meirama e na refinaría de Repsol de A Coruña. Os empregados reclaman unha mellora nas condicións salariais para percibir o 100% das pagas extraordinarias, un incremento de 50 euros nas dietas para o persoal desprazado, un plus de penosidade para os operarios que prestan servizo na central térmica de Meirama, unha indemnización de 20 días por ano traballado para todos os contratos non indefinidos (actualmente a indemnización só é de 8 días), cobrar o 100% do salario en caso de baixa e obter un complemento do 25% no suposto de sufrir un accidente laboral. A folga ten carácter indefinido e abrangue de luns a venres cos seguintes horarios: de 12:00 a 13:30 horas e de 16:00 a 17:30 horas.

Confederación Intersindical Galega www.galizacig.com ÚLTIMA REVISIÓN: 07/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta