Actualidade Vigo, 28 de febreiro de 2008 Programa de apoio a pais no rural Preocupación pola posíbel retirada do apoio de Educación á “Preescolar na Casa”   CIG-Comunicación- cig.prensa@galizacig.com   Preescolar na Casa é un programa educativo que naceu en Galiza no ano 1977 e ten como obxectivo “contribuír á formación de pais que teñen nenos e nenas entre 0 e 6 anos co fin de axudar a desenvolver plenamente as capacidades dos seus fillos a través da reflexión sobre o acontecer da vida diaria”.   As e os traballadores de Preescolar na Casa, representados polo seu Comité de Empresa a nivel galego, amosan a súa preocupación pola posíbel retirada do apoio a este programa por parte da Consellaría de Educación. Preescolar na Casa é un programa educativo que naceu en Galiza no ano 1977. O programa Preescolar na Casa ten como obxectivo “contribuír á formación de pais que teñen nenos e nenas entre 0 e 6 anos co fin de axudar a desenvolver plenamente as capacidades dos seus fillos a través da reflexión sobre o acontecer da vida diaria”. Preescolar na Casa é un programa de formación de pais que se organiza, preferentemente no medio rural e outros medios desfavorecidos, que intenta apoiar e dar seguridade ás familias na educación e crianza dos seus fillos, nos primeiros anos de vida. Despois de celebrarase as eleccións sindicais (nas que a CIG obtivo a maioría, 3 representantes nun comité de cinco), e por numerosas conversas con responsábeis da Consellaría de Educación, estes traballadores e traballadoras comezan a escoitar con máis insistencia da que lles gustaría que é máis que probábel que a Consellaría de Educación retire o seu apoio a este programa. De seguir adiante con esta medida, un programa que ven desenvolvendo ininterrumpidamente desde o ano 1977, e co apoio da Administración educativa á proposición non de lei de Galiza desde o ano 1982, vería gravemente afectado o seu labor. “Suporía un paso atrás” María José Blanco, presidenta do Comité de Empresa de Preescolar na Casa, manifestou que “sería unha perda importante para a educación dos cidadáns deste país, así como un paso atrás na consideración da relevancia da etapa de 0 a 6 anos, e a implicación de pais e nais no campo educativo, por iniciativas de formación de pais como Preescolar na Casa”. Por último, subliñan que “continuaremos a reivindicar que se apoie desde a Administración educativa este programa e que se teña en consideración o beneficio que Preescolar na Casa ofrece a toda a sociedade galega”.

Confederación Intersindical Galega www.galizacig.com ÚLTIMA REVISIÓN: 28/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta