Actualidade Santiago, 7 de marzo de 2008 Como recoñecemento na loita por dignificar as condicións socio-laborais e salariais das mulleres A Secretaría da Muller da CIG entrega o II Premio do Día da Muller Traballadora   CIG-Comunicación- cig.prensa@galizacig.com   Na súa primeira edición, o Premio do Día da Muller Traballadora recaeu nas traballadoras da empresa téxtil coruñesa Mafecco. (Foto: ©galizacig.com).   A Secretaría da Muller da CIG celebra hoxe, día 7 de marzo, a II Edición do Premio do Día da Muller Traballadora, concibido como un recoñecemento a aquel conflito protagonizado fundamentalmente por mulleres, na loita por dignificar as súas condicións socio-laborais e salariais, e por superar a situación de discriminación que, pola simple condición de seren mulleres, adoitan padecer. O acto dará comezo, a partir das 14:00 horas, no Hotel Congreso de Compostela, e ao xantar están convidadas, ademais de representantes da CIG, entre outras: Pilar García Negro, directora xerente da Fundación Bautista Álvarez de Estudos Nacionalistas; Ana Luísa Bouza Santiago, directora xeral do Servizo Galego de Igualdade; Carme Adán Villamarín, secretaria xeral da Igualdade da Vicepresidencia da Igualdade e do Benestar da Xunta de Galiza; Rosario Fernández Velho, secretaria nacional de Acción Feminista do Bloque Nacionalista Galego; Rita Radl Phillipp, directora do CIFEX (Centro Interdisciplinario de Investigacións Feministas e Estudos de Xénero); Mª do Carme García Negro, membro do CIFEX; Helena Veiguela Martínez, directora xeral de Promoción Industrial e da Sociedade da Información; Ana Pontón Mondelo, deputada do BNG no Parlamento galego; Sabela Orgueira Viqueira, ceramista de Eira Cerámica Artesá; Carme Casal e Tareixa, da Asociación Xiara. Programa 14:00 horas. Xantar. 16:00 horas. Intervención de Mª Carme López Santamariña, secretaria confederal de Muller e Servizos Sociais da CIG. 16:15 horas. Entrega do Premio. Intervención das galardoadas. 16:30 horas. Actuación musical de ‘Donaire’.

Confederación Intersindical Galega www.galizacig.com ÚLTIMA REVISIÓN: 07/03/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta