Actualidade Santiago, 25 de marzo de 2008 Este feito non se tiña producido nos últimos anos No ano 2007 produciuse, segundo o INEM, un cambio de tendencia, co aumento do desemprego interanual   CIG-Comunicación- cig.prensa@galizacig.com O Gabinete de Economía da CIG presentou o pasado mes de febreiro un traballo no que se analiza o comportamento do paro rexistrado segundo os datos do INEM, durante o ano 2007. Natividade López Gromaz, responsábel do Gabinete, conclúe que nese ano se produciu un cambio de tendencia na evolución do paro rexistrado, que se traduciu, na media estatal, nun aumento do desemprego interanual, feito que non se tiña producido nos últimos anos. No caso de Galiza o desemprego seguiu a diminuír, mais en menor medida que nos anos precedentes, cunha forte ralentización do descenso a medida que transcorría o ano. “O sector da construción parece ser o causante desta situación: de media no estado aumentou preto do 20% o número de parados no devandito sector, cando en Galiza diminuíu o desemprego nel aínda que nunha contía pouco significativa”, explica López Gromaz. A economista da CIG tamén matiza que no que atinxe á contratación aumentou lixeiramente con respecto ao ano anterior, pero “mantense a mesma proporción de fixos/temporais, o que fai pensar que a taxa de temporalidade non se debeu modificar substancialmente no ano que rematou”. Descarga en .pdf   Paro rexistrado - INEM 2007

Confederación Intersindical Galega www.galizacig.com

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta