Actualidade Vigo, 7 de marzo de 2008 Sector da Construción do sur de Pontevedra Comeza unha folga polo cumprimento do convenio na empresa Extraco   CIG-Comunicación- cig.prensa@galizacig.com   Extraco non só non respectou as condicións pactadas entre os traballadores e a anterior concesionaria en materia de xornada, quendas, reténs ou cotizacións, senón que pretende impor as súas propias condicións inferiores ao estipulado no Convenio de aplicación.   Os quince traballadores de Extraco iniciaron o 5 de marzo unha folga que se prolongará, nunha primeira etapa, até o día 14 se a empresa non se avén a atender as reivindicacións presentadas. O seguimento da folga está a ser total. A citada empresa, que se rexe polo Convenio colectivo da Construción, accedeu, mediante concurso público, ao mantemento e conservación das estradas do Sur da provincia de Pontevedra dependentes da Consellaría de Política Territorial e Obras Públicas, subrogándose co persoal da anterior contrata. Estes quince traballadores teñen os seus centros de traballo en Couso, Gondomar e Ponteareas. Extraco non só non respectou as condicións pactadas entre os traballadores e a anterior concesionaria en materia de xornada, quendas, reténs ou cotizacións, senón que pretende impor as súas propias condicións inferiores ao estipulado no Convenio de aplicación. Folga como medida de presión Ante estes reiterados incumprimentos e a negativa da empresa a retomar as negociacións, os traballadores decidiron a convocatoria da folga como medida de presión. Os traballadores de Extraco e os representantes da CIG teñen solicitado á Consellaría de Política Territorial a súa intervención para esixir que esta empresa e todas aquelas que traballen para a Administración cumpran escrupulosamente os acordos laborais.

Confederación Intersindical Galega www.galizacig.com ÚLTIMA REVISIÓN: 07/03/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta