Actualidade Vigo, 6 de marzo de 2008 Novo despedimento no centro de chamadas de Ourense Concentración ante o SMAC en apoio ao secretario da Sección Sindical da CIG en Office Depot   CIG-Comunicación- cig.prensa@galizacig.com   O centro de chamadas da empresa Office Depot en Ourense caracterízase polos numerosos despedimentos de persoas vinculadas á CIG, ou simplemente que reclaman os seus dereitos. Alfonso Fernández Diéguez, secretario da Sección Sindical da CIG en Office Depot, responde ás preguntas dos medios. (Fotos: ©galizacig.com 05/03/2008).   Medio cento de delegados e delegadas convocados pola Federación de Banca da CIG en Ourense concentráronse o día 5 de marzo no Servizo de Mediación, Arbitraxe e Conciliación, ante a celebración do acto de conciliación previo polo despedimento do secretario da Sección Sindical da CIG en Office Depot, días antes de que se celebrase unha Asemblea de traballadores/as convocada polo Comité para a celebración de eleccións sindicais. O centro de chamadas da empresa Office Depot en Ourense caracterízase polos numerosos despedimentos de persoas vinculadas á CIG, ou simplemente que reclaman os seus dereitos. No caso deste despedimento, a propia empresa o recoñeceu como improcedente alegando baixo rendemento no traballo. Dáse a circunstancia de que este compañeiro estivera de baixa por un accidente e remataba de incorporarse á empresa, sendo despedido aos 15 días da alta médica. Subliñar que previamente o traballador fora cambiado de posto, polo que realmente estivo desenvolvendo as novas funcións menos de tres semanas e sen recibir formación por parte da empresa. Para a CIG-Banca este é un despedimento preparado pola empresa, que ten como obxectivo que a CIG non poda presentar candidatura ás eleccións sindicais que foron convocadas legalmente por un “Grupo independente de traballadores” 20 días despois do despedimento. Na concentración estiveron presentes tamén traballadoras de Office Depot que foran despedidas con anterioridade, dando o apoio a este compañeiro que sempre se destacou na defensa dos traballadores e traballadoras desta multinacional norteamericana. A empresa non compareceu ao acto de conciliación, polo que este rematou co resultado de “Sen avinza”. CIG-Banca, 5 de marzo de 2008.

Informacións relacionadas 08/06/2007 O secretario da Sección Sindical no call center de Ourense criticou a política de relacións laborais da empresa Concentración no SMAC en apoio a un afiliado da CIG sancionado por Office Depot 01/12/2006 A empresa vulnerou os dereitos á liberdade sindical, á non discriminación por motivos sindicais e á tutela xudicial efectiva Office Depot-Guilbert deberá readmitir á traballadora despedida 26/10/2006 Nova mobilización pola readmisión da traballadora despedida de Office Depot, en Ourense 30/09/2006 Tras denunciar ante o Comité de Empresa que estaba sendo sometida a acoso laboral por parte do seu superior Mobilizacións contra un despedimento no call center da multinacional Office Depot en Ourense 04/10/2005 Office Depot despide a oito persoas do seu cadro de persoal en Ourense

Confederación Intersindical Galega www.galizacig.com ÚLTIMA REVISIÓN: 06/03/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta