|
Actualidade CIG-Comunicación-
Desde o Comité de Empresa explican que o conxunto de traballadoras e traballadores de Supermercados LIDL levan máis de dous anos cobrando entre 20 e 100 euros ao mes menos do que estebelece o Convenio Colectivo de Comercio e Alimentación. Por iso, tras constituírse o Comité de Empresa, en setembro pasado, o primeiro que se fixo foi contactar coa dirección da empresa para que confeccionara correctamente as nóminas e aboara as diferenzas xeradas durante todo este tempo. Porén, malia recoñecer o “erro” nun primeiro momento, agora a empresa, segundo denuncia o Comité, “nin se pon ao teléfono para contestar se vai pagar ou non”. Diante desta situación o Comité de Empresa viuse na obriga de reclamar legalmente estas cantidades e denunciar publicamente os graves incumprimentos aos que Lidl somete a todo o cadro de persoal. Tamén denuncian que, alén de non pagar o salario que lles corresponde polo seu traballo, o grupo LIDL -famoso en Europa pola súa nefasta política laboral- mantén unhas das condicións de precariedade máis graves dentro do sector de Comercio de Alimentación que resumen nos seguintes feitos:
Por iso, exixen a solución inmediata a estes problemas e o pagamento das cantidades adebedadas pola empresa. Así mesmo reclaman respecto ás representantes dos traballadores e traballadoras e a todo o cadro de persoal, facilitando o diálogo para mellorar as condicións laborais e sociais. A obsesión pola produtividade en Lidl chega a tal punto que para pór a proba ás/aos traballadoras/es, desde a dirección da empresa contratouse a outra para que envíen a persoas que se fan pasar por clientes, nuns casos para intentar sacar produtos sen pagar polas caixas e sancionar á traballadora ou traballador que non os descubra e noutros para mesmo comprobar o cumprimento das ordes. As/os traballadoras/es teñen orde de informar aos clientes de onde están os produtos, pero en ningún caso acompañalos para evitar que se perda tempo de traballo. Estes falsos clientes informan á dirección da empresa se as/os traballadores incumpren esta orde. E é que en Lidl, por ser amábel tamén se sanciona. O obxectivo destes controis é garantir uns determinados índices de produtividade co mínimo de perdas. O caso é que para conseguir este obxectivo, na vez de mellorar as condicións salariais e laborais o que se fai é sancionar. As concentracións estaban convocadas polo Comité de Empresa e apoiadas incialmente pola CIG e CCOO. Malia estar tanto os cartaces como os panfletos asinados polos dous sindicatos, na mesma mañá do luns, CCOO decidiu descolgarse da convocatoria. |
|||||||||||||||
|
|||||||||||||||
|
ÚLTIMA REVISIÓN: 04/03/2008 |
|||||||||||||||
|
